Appel pour un 20 avril festif et festoyant

Appel pour un 20 avril festif et festoyant

Et si, pour une fois, nous changions notre méthode de faire de la politique....

L'athéisme, tendance contre-productive face à l'islamisme en Kabylie

L'athéisme, tendance contre-productive face à l'islamisme en Kabylie

             Un athée, dans un village kabyle,...

Islam kabyle ou retour du refoulé chrétien?

Islam kabyle ou retour du refoulé chrétien?

              Dans cet article,...

Brûler la terre pour conquérir les esprits...

Brûler la terre pour conquérir les esprits...

" Il est un arbre dont je n'entends pas dire qu'ait germé son pareil ; un arbre invaincu, arbre...

La lutte culturelle ou l'impossible victoire?

La lutte culturelle ou l'impossible victoire?

            Selon Régis Debray «Une...

Tisnalalit ou la Renaissance

Tisnalalit ou la Renaissance

Le phénix ou phoenix, mot grec Phoînix, qui signifie "Pourpre" est un oiseau légendaire, doué...

Le défi kabyle

Le défi kabyle

               La Kabylie peut...

La Kabylie, une terre méditerranéenne

La Kabylie, une terre méditerranéenne

              Par ses paysages et...

Les Maîtres de vérité en pays kabyle (4)

Les Maîtres de vérité en pays kabyle (4)

                "Elle se tient...

Pourquoi ce site?

Pourquoi ce site?

  « Notre propos sur ce site est de rendre la Kabylie à sa dimension méditerranéenne,...

Nos ancêtres adeptes du soleil

Nos ancêtres adeptes du soleil

                ...

Qu'Athéna nous protège !

Qu'Athéna nous protège !

            Il fut un temps, le monde...

Pour une loi réprimant le blasphème

Pour une loi réprimant le blasphème

Voici une contribution de notre ami et maître, Jean-Michel Lascoux, ancien professeur de Lettres...

La mort dans le regard

La mort dans le regard

              Acrésios, roi d'Argos a une fille qui s'appelle Danaé. Selon l'oracle, si cette...

Religion et liberté en Kabylie

Religion et liberté en Kabylie

      "La bête arrache le fouet au maître et se fouette elle-même pour devenir maître, et ne...

L'homme ancien et l'idée de dieu

L'homme ancien et l'idée de dieu

Pour le monothéiste, Dieu est unique. La croyance, pour ce dernier, est très simple. Dieu,...

Le monstre dans l'imaginaire kabyle

Le monstre dans l'imaginaire kabyle

Awaγzen, ogre ou cyclope...

Apulée - Eros et Psyché (texte latin)

Apulée - Eros et Psyché (texte latin)

  (Apulée L'âne d'or ou les Métamorphoses Livre IV) [28] Erant in quadam civitate rex et...

Afulay - Iṛus d Psukki :-: Apulée - Eros et Psyché

Afulay - Iṛus d Psukki :-: Apulée - Eros et Psyché

    (Texte latin) Iṛus d Psukki     Amacahu, deg yiwet n turbit1, llan...

Anẓar, Ilibbiyen, Igrikkiyen d Ilaṭiniyen

Anẓar, Ilibbiyen, Igrikkiyen d Ilaṭiniyen

Imezwura-nneγ ttgen aṭas n wazal i tmeddurt d wayen sen-d-yezzin. Ttidiren s wayen...

VIII. Timecreṭ, le centre du cercle

VIII. Timecreṭ, le centre du cercle

              La viande de...

Les Maîtres de Vérité en pays kabyle (3)

Les Maîtres de Vérité en pays kabyle (3)

        L'oracle et la...

Pour une nouvelle Numidie ! Mise au point (2)

Pour une nouvelle Numidie ! Mise au point (2)

      Le mythe est le discours d’une société sur elle-même.   Il nous...

Les Maîtres de vérité en pays kabyle (2)

Les Maîtres de vérité en pays kabyle (2)

  La Vérité des saints kabyles   Pour les Grecs de l'âge...

VII. Timecreṭ, dans l'oeil du monothéisme

VII. Timecreṭ, dans l'oeil du monothéisme

    Dans cet article, nous allons essayer d'étudier un exemple parfait de...

VI. Timecreṭ, partage de compensation

VI. Timecreṭ, partage de compensation

                    Timecreṭ est une pratique qui met fin, durant un jour, aux inégalités...

Les Maîtres de Vérité  en pays kabyle (1)

Les Maîtres de Vérité en pays kabyle (1)

  Tidett, Vérité en kabyle, est presque sur toutes les lèvres et...

La Kabylie et la religion

La Kabylie et la religion

              Le villageois kabyle...

Epictitus, Afuslibri - Epictète Manuel

Epictitus, Afuslibri - Epictète Manuel

I. Ta eph'hémin ta ouk eph'hémin (Ayen icudden ɣer-nneɣ d wayen ur ncudd ara...

Nos ancêtres, vous dites? Lesquels ?

Nos ancêtres, vous dites? Lesquels ?

              Les Kabyles disent...

Tous azimuts: contre le Berbère

Tous azimuts: contre le Berbère

         Nous allons, dans cet article, voir comment...

Si l'Afrique du Nord m'était contée...

Si l'Afrique du Nord m'était contée...

En ce moment, nous lisons énormément de choses dans les journaux et sur les pages des réseaux...

Le paganisme, à l'épreuve du monothéisme

Le paganisme, à l'épreuve du monothéisme

Nna Tassadit, une vieille femme kabyle, dans son champ, vaque à ses activités champêtres....

Le réveil du Lotophage

Le réveil du Lotophage

  "Mais, à peine en chemin, mes envoyés se lient avec les Lotophages qui, loin de méditer le...

 Mammeri:

Mammeri: "L'arbre de mon climat à moi, c'est l'olivier"

      "L'arbre de mon climat à moi, c'est l'olivier ; il est fraternel et...

"La culture ne s'hérite pas, elle se conquiert" Mise au point

  Si nous nous intéressons aux cultures antiques grecques et latines, ce n'est pas pour...

Tafigurit n ddunit ɣer Yemzwura-nneɣ

Tafigurit n ddunit ɣer Yemzwura-nneɣ

(ixf amezwaru) Imezwura-nneγ ttgen aṭas azal i tmeddurt d wayen sen-d-yezzin. Ttidiren...

Les Berbères ont le droit de revendiquer leur part de l'héritage gréco-latin

Les Berbères ont le droit de revendiquer leur part de l'héritage gréco-latin

  Entretien réalisé par le correspondant de la Tribune à Tizi...

  • Appel pour un 20 avril festif et festoyant

    Appel pour un 20 avril festif et festoyant

  • L'athéisme, tendance contre-productive face à l'islamisme en Kabylie

    L'athéisme, tendance contre-productive face à l'islamisme en Kabylie

  • Réhabiliter Anzar, plus qu'une urgence!

    Réhabiliter Anzar, plus qu'une urgence!

  • Islam kabyle ou retour du refoulé chrétien?

    Islam kabyle ou retour du refoulé chrétien?

  • Brûler la terre pour conquérir les esprits...

    Brûler la terre pour conquérir les esprits...

  • La lutte culturelle ou l'impossible victoire?

    La lutte culturelle ou l'impossible victoire?

  • Tisnalalit ou la Renaissance

    Tisnalalit ou la Renaissance

  • Le défi kabyle

    Le défi kabyle

  • La Kabylie, une terre méditerranéenne

    La Kabylie, une terre méditerranéenne

  • Les Maîtres de vérité en pays kabyle (4)

    Les Maîtres de vérité en pays kabyle (4)

  • Pourquoi ce site?

    Pourquoi ce site?

  • Identité religieuse, entre étiquette et ressentiment

    Identité religieuse, entre étiquette et ressentiment

  • Nos ancêtres adeptes du soleil

    Nos ancêtres adeptes du soleil

  • Qu'Athéna nous protège !

    Qu'Athéna nous protège !

  • Pour une loi réprimant le blasphème

    Pour une loi réprimant le blasphème

  • La mort dans le regard

    La mort dans le regard

  • Religion et liberté en Kabylie

    Religion et liberté en Kabylie

  • L'homme ancien et l'idée de dieu

    L'homme ancien et l'idée de dieu

  • Le monstre dans l'imaginaire kabyle

    Le monstre dans l'imaginaire kabyle

  • Apulée - Eros et Psyché (texte latin)

    Apulée - Eros et Psyché (texte latin)

  • Afulay - Iṛus d Psukki :-: Apulée - Eros et Psyché

    Afulay - Iṛus d Psukki :-: Apulée - Eros et Psyché

  • Anẓar, Ilibbiyen, Igrikkiyen d Ilaṭiniyen

    Anẓar, Ilibbiyen, Igrikkiyen d Ilaṭiniyen

  • VIII. Timecreṭ, le centre du cercle

    VIII. Timecreṭ, le centre du cercle

  • Les Maîtres de Vérité en pays kabyle (3)

    Les Maîtres de Vérité en pays kabyle (3)

  • Pour une nouvelle Numidie ! Mise au point (2)

    Pour une nouvelle Numidie ! Mise au point (2)

  • Les Maîtres de vérité en pays kabyle (2)

    Les Maîtres de vérité en pays kabyle (2)

  • VII. Timecreṭ, dans l'oeil du monothéisme

    VII. Timecreṭ, dans l'oeil du monothéisme

  • VI. Timecreṭ, partage de compensation

    VI. Timecreṭ, partage de compensation

  • Les Maîtres de Vérité  en pays kabyle (1)

    Les Maîtres de Vérité en pays kabyle (1)

  • La Kabylie et la religion

    La Kabylie et la religion

  • Epictitus, Afuslibri - Epictète Manuel

    Epictitus, Afuslibri - Epictète Manuel

  • Nos ancêtres, vous dites? Lesquels ?

    Nos ancêtres, vous dites? Lesquels ?

  • Tous azimuts: contre le Berbère

    Tous azimuts: contre le Berbère

  • Si l'Afrique du Nord m'était contée...

    Si l'Afrique du Nord m'était contée...

  • Le paganisme, à l'épreuve du monothéisme

    Le paganisme, à l'épreuve du monothéisme

  • Le réveil du Lotophage

    Le réveil du Lotophage

  • Feraoun:

    Feraoun: "Nous sommes riverains d’une même mer, tributaires d’un même climat et fixés sur la même...

  •  Mammeri:

    Mammeri: "L'arbre de mon climat à moi, c'est l'olivier"

  • "La culture ne s'hérite pas, elle se conquiert" Mise au point

  • Tafigurit n ddunit ɣer Yemzwura-nneɣ

    Tafigurit n ddunit ɣer Yemzwura-nneɣ

  • Les Berbères ont le droit de revendiquer leur part de l'héritage gréco-latin

    Les Berbères ont le droit de revendiquer leur part de l'héritage gréco-latin

 

Tafrara, akken kan d-tḍal, teḍleq deg igenni i wkeṛus-ines, winna d-yewwin taḥbult n yiṭij, i izuγuren igemren d-yelsan ifaciyen d izeggaγen yettwawaṛeqmen s tepyasin n wuṛeγ, ukiγ-d. Wwḍeγ ar wass. Zegreγ-d iḍ γuzifen, segmi i d-uffiγ-d iman-iw nuγnaγ. Nuγnaγ imi d-mektaγ ayen giγ iḍ-nni yezrin. Giγ akka, qimeγ γef yiri n wusu, sbabbeγ iḍaren-iw wa γef wa, serseγ ifassen-iw γef tgecrar-iw, bdiγ ttruγ. Ttwalliγ d acu ara yeḍrun yid-i. Ttwalliɣ iman-iw di tribbinal, mugreγ abṛusi. Ttwaliγ d acu iyi-gunnin, amek i tt-gezmen fell-i. Ttwaliγ abṛusi-nni-inu s timad-is. Qarreγ-as : " Wisen dγa ma d-milileγ d juğ ara iyi-sirden di taluft-agi, maca mazal idammen n tlata yergazen-nni nγiγ akken γman γef ifassen-iw ?" - Nniγ-as diγen : "Ammer ahat dγa d wagi i d inig-inu aneggaru, winna akkenni i γef iyi-d-yemeslay Dyufan Akaldyani ?" - Qimeγ akken ttεebbiṛeγ senγleγ, ttaraγ igellifeẓ. D ayagi kan i yetezzin deg wallaγ-iw.  Ttxemmimeγ ḥaca γer twaγit-agi. Cwiṭ akka, atna kkaten-d γef tebburt. Sliγ ar beṛṛa i laεyaḍ n lγaci. Aṭas yid-sen. Imirimir, telli-d tebburt n wexxam, dγa kecmen-d jjujat, iseklafen d lγaci-nni ten-id-iḍefren s deffir.

 

 Rnan kecmen-d sin n iliktuṛen#, ddan-d yid-sen imagistiren#.  Akken kan d-kecmen, qnen-iyi, dγa bdan zzuγuren-iyi. Susmeγ kan. Ddiγ-asen di lebγi. Akken kan d-uffiγ iman-iw deg yiwet n tezniqt akken, dγa walaγ imezdaγ n tčiṭa-nni mgaggin-d fell-aγ, ḍfeṛn-aγ-d sdeffir. Nek, rriγ aqerruy-iw ger tuyat-iw, ṛeṣaγ allen-iw di lqaεa, maca d times ay ttwaliγ ger iḍarren-iw.  Uγaleγ ḍegreγ tiṭ-iw akka seg idis, wehmeγ deg-wayen ttwaliγ.  Ger wannect-nni akk n lγaci yellan dinna, d izumal mačči d kra, ulac akk deg-sen win yettaḍsan. Ad s-tinniḍ d widak-nni i yeteddun γer tmenjaṛt akken ad fken yiwen deg-sen d asfel, akken ad rren akkin fell-asen sixṭa neγ aṭṭan i d-iteddun γer-sen. Akkenni ittawin lγaci asfel, tezzin-t-id i yezenqan n tčiṭa, uqbel ad t-seflen. Akkenni iyi-wwin. Diγ netta nekkini, akken, ulac azniq neγ tazniqt ur iyi-sukken ara.  Tagara, sawḍen-iyi γer ufuṛum.  Sbedden-iyi zdat n tribbinal.  Uffiγ dinna imagistiren ṭṭfen yakan imukan-nnsen γef Teskina#,i s-sullin dγa i lmend n wannect-nni. Cwiṭ akka, ata ibedd-ed uberraḥ, yesuter-d tasusmi.  Yenna-yasen i lγaci-nni d-yusan : "Abṛusi-yagi muqer, ilaq-aγ ad t-neg di tiyatṛ." - Ran ad t-gen di tiyatṛ, imi ugaden lγaci-nni i d-yusan. Deg wakken gguten, ugaden anda ttemherwalen, ad myeṛkaḍen. Akken kan yekfa uberaḥ-nni ameslay, dγa imimir, llin tiyatṛ, kecmen lγaci, ṭṭfen imukan, ttṛağğun. Nniγ-awen ihi tiyatṛ yeččuṛ almi yenfel : ula d tiwwura akd ṛṛef werken.  Llan wagad yullin γef igelma, llan wagad yeckuntḍen γef tejga, llan wagad iεelqen γer  ṭṭiqan...Deg wakkenran ad ẓren abṛusi-ynu, ttun iman-nnsen, yal yiwen anda yeckunteḍ. Ulac akk deg-sen win yugaden i t-yettaγen ma yella yeγli-d. Ma d nek, dehmen-iyi zdat-sen llusiwat n tčiṭa. Dehmen-iyi, am wesfel,  sbedden-iyi di tlemmast n tluṛkistṛa#.

 

Tebda imiren taluft-iw. Yuγal-d uberraḥ-nni, isawel s ṭṭelq n taγect-is i winna akkenni yectkan fell-i.  Ssyen sakin, yekker-d yiwen uwesur akkenni, iban kan akka yeselḥa di laεmmeṛ - maca zwar ad yenṭeq,  akken ad ktilen asru n umeslay-ines, ṭṭfen-d  abuqal, ččuṛen-t d aman. Degmi akken  abuqal-nni iga am inifif, yefγ-d deg-s utteyut d azdad, anda d-ttqiṭirent tmiqwa n waman - Awesur-nni akken kan d-teγli tmiqit tamezwarut n waman deg utteyut-nni, dγa yebda adiskur-ines, yenna-yas : "Taluft-agi i γef d-cetkaγ d taluft tameqrant. Mačči d akellex. Imi taluft-agi-nneγ terza talwit n tčiṭa-nneγ d imezdaγ-ines akken ma llan. Degmi abṛusi-yagi n wass-agi, issefk ad yilli d amedya i wayen d-iteddun, akken qarren : aneggaru ad yerr aḍar, a Ugistus Kwirites. Issefk yal yiwen seg-nneγ, si tama-ines,  issefk-aγ akken ma nella da, ad neg ayen iwatan akken ad nefdu iseγ n tmurt-nneγ. Mačči win yekkren kan ad d-yas γer tmurt-nneγ, ad yeṛẓ leqwanen-nneγ, ad yeg timecreṭ, yerna ad yeḍmeε ad yeslek. Yerna ammer anda tettγilim d akken ayagi d-nniγ yekka-d deg lkeṛh neγ di teqseḥ n wul-iw. Xaṭi ? Ayagi d-nniγ d abrid. S yisem-iw d imdebbeṛ n tεessast n yiḍ di tčiṭa-yagi, deg wesmi bdiγ ttεasaγ γef talwit n imezdaγ-ines, werğin yella kra iyi-nesren, kulci γef tiṭ-iw. Tura ad awen-d-inniγ d acu i yeḍran iḍ yezrin, ma sunfeγ-awen, awer iyi-fγent i yiri. Ad wen-d-siwleγ taluft akkenni tella.  Iḍ yezrin, zziγ-d tlata iberdan i izenqan n tčiṭa, ulac tiγmert, ulac tawwurt iyi-ğğiγ, fureγ-tt akk, maca imi d-zziγ tikelt taneggarut, iban-iyi wergaz-agi, s wefru deg wefus, ineq di tmeggraḍ. Uẓaγ acemma, wallaγ ẓlen zdat iḍarren-is tlata yergazen. Wallaγ-ten ẓlen di tissi n idammen. Ma d netta, deg wakken t-yesexlaε wayen iga, yeṭṭef-itt d tarewla. Wallaγ-t yedduri ṭṭlam, yekcem γer yiwen wexxam, yexmet dinna kra yekka yiḍ. Maca, ulac d acu i sen-yettṛuḥun i igennawen : win igan kra d uleqrar ad yettwiṭṭef. Imi akken kan d-tulli tafrara, ṭṭfeγ-t. Ṭṭfeγ-t zwar ad yerwel. Ssyen sakin, wwiγ-awen-t-id γer dagi akken ad t-tesukkem di jijma.  Atan ihi win yenγan zdat-nwen, mačči d nek i tt-id-yeran fell-as, d ayen iga i s-ttigan. yernu diγen argaz-agi d abeṛṛani, ur s-ttcuḥut ara, γas akkenni, zdat temgerṭ, ur γ-ilaq ara ad nsuref ula i mmi-s n tmurt. Maca tamgeṛt n ubeṛṛani d akeddaṛ. Tugar-iten akk."

 

Akken d-yesmar akk ssem-ines uwesur amcum, akken texsi taγect-nni-ines, wallaγ aberraḥ-nni n tribbinal, yeččuṛ abuqal-nni d aman, iger-as atteyut deg imi,  dγa yesteqsa-yi-d, yenna-k ma yella γur-i kra ara d-iniγ, d lawan ad d-meslayeγ. Sbelεeγ inetman, kkreγ a d-lliγ imi-w, maca mačči d imeslayen i d-yezwaren, d imeṭṭawen.  S Hiṛakles, ur ttruγ ara γef wayen iyi-ggunin, ttruγ γef wayen giγ. Maca diγen, cwiṭ akka, jemεeγ-d lkuṛağ-inu, ad s-tinniḍ d igennawen iyi-d-yecbucen γer tmeẓuγt, qarren-iyi-d d acu ilaqen ad t-id-iniγ, dγa bdiγ ttmeslayeγ, nniγ-asen : "Ur yeffir ara fell-i d akken m ara wen-d-yawi yiwen amdan, m ara wen-yinni yenγa tlata ikiwisen, amdan-nni werğin ur telli tidett γer tama-s. Maca ma yella mazal cwiṭ n talsa deg wulawen-nwen, anef-iyi ad wen-d-meslayeγ ciṭuḥ, ad awen-d-nniγ d akken aḍad n wusur-agi iyi-seknen, yezleg. Imi taluft-agi i wen-d-isawel akka, mačči akka tt-id-yenna i teḍra. Atah wamek i teḍra :

"Iḍ yezrin, uγaleγ-d deg imensi, s tidett iṛuḥ lḥal, yerna swiγ ciṭuḥ. S tidett nγiγ tlata tmegraḍ, maca issefk-awen ad teẓrem acimmi. Nniγ-awen ihi imi d-zziγ deg imensi, tedduγ γer wexxam n ukiwis-nwen Milun, akken ad gneγ - imi γer wexxam-is i d-rriγ asmi d-usiγ -  maca zwar ad kecmeγ, wallaγ tlata yergazen kkaten ad qelεen icanyaṛen n tewwurt akken ad tt-id-qelεen. Imi yuẓaγ, wallaγ-ten kksen-d yakkan iεezzalen-nni n wuzal tt-yeṭṭfen, yerna sliγ-asen ttemcawaṛen ma yella ad nγen akk imawlan n wexxam neγ ala. Yella ladγa yiwen seg-sen, yeğhed, yugar-iten akk, iban kan akka d netta i d ccaf-nsen, sliγ-as yeqqar-asen akka :" Ahaw ! illi-ken d irgazen ! Ur ttagadet ara. Kecmet, nγet akk imawlan n wexxam-agi skud ṭṭsen ! Kkset aγiḍi deg ulawen-nwen ! Kkset teṛdeb di tsiswa-nwen ! Sufeγt-d ifruyen-nwen, get timecreṭ deg imawlan n wexxam-agi ! Ur ttḥezibet ara ! Ur ttkakrit ara ! Win tufam deg usu, zzlut-ett ! Win wen-d-yezewren, neγt-ett ! Ma yella tram ad tselkem, ur ilaq ad teğğem ugzir  γer deffir ! Γurwat ! Ammer ha anda tettağğam inigi !",  ma nniγ-ak, a Ugustus kwiritis, zdat ibandiyen am wiggini, d-yusan akken ad nγen imdanen deg usu-nsen, xemmemeγ, skadbeγ-ak. Nniγ-as ilaq-iyi ad geγ ayen s-d-tewwi ad tyeg di tignitt am tinna ikiwis yelhan.  Ma nniγ-ak ugadeγ, ugadeγ. Ugadeγ γef yiman-iw, ugadeγ γef Milun d twacult-is. Maca seγreγ taqqeruyt-iw, snesreγ-d tafruyt deg uggagus-iw, ẓedmeγ fell-asen akken ad ten-srewleγ, maca gguman ad rewlen. Γas akkenni wallan-iyi-d s tefruyt, qqimen dinna, akken ad tt-frun yid-i.               

a tekker. Akken nebda imenγi, wallaγ ccaf-nni-nsen yeṭṭaki-yi-d, yeṭṭef-iyi deg ucebbub, ideweṛ-iyi aqerruy-iw γer deffir uzagur-iw, yessutur deg imdukkal-is ad s-d-fken adγaγ akken ad iyi-sṛeε.  Dγa nekkini, zelzeγ, afus-iw yuzel, snesreγ-d tafruyt, wwteγ, dγa yeγli γer lqaεa. Imirmir, mazal yewwiḍ idis-is γer lqaεa, ijelb-d wis-sin akken ad iyi-kerrec deg uglul, dγa sentaγ-as-tt ger tuyat, yeγli ula d netta. Ma d wis-tlata, mebla ma imeyyez, iẓedm-ed fell-i,  giγ akka zwerγ-as-tt γer ger yedmaren,  dγa rniγ-t γer-sen. Ma nniγ-ak, a Ugustus Kwiritis, sεiγ zzheṛ imi d-griγ deffir-nsen. Maca imi ten-wallaγ akken d tirect, feṛḥeγ mačči d kra. Nγiγ tlata ibandiyen, fdiγ iman-iw, imawlan n wexxam n imedukkal-iw, rnu diγen selkeγ talwit n tčiṭa i wumi d-sγimen.  Ammer d lebγi d ccan i ilaq ad iyi-tgem, mačči d jijma i deg ara iyi-tessukem. Nekkini deg wasmi d-kkreγ ur kcimeγ ara tribbinal, werğin giγ ayen ara iyi-yawin γer lḥebs, steqsit at-tmurt-iw.  Γur-i nekkini, tezdeg n ifassen tif akk ayen yelan di ddunit-agi. Degmi aqli-iyi wehmeγ acimmi i d-ufiγ iman-iw di tribbinal-agi-nwen. Amek dγa ara iyi-tesukkem di jijma, nek i isselken tačiṭa di tlalta ibandiyen. M ara muqleγ akka d ttaṛ n talwit-nwen i d-rriγ deg-sen. Ur ten-nγiγ imi ten-keṛheγ. Nek ad awen-iniγ d akken imdanen-agi, ur ten-sineγ, ur iyi-sinen; ulac d acu isen-ttalaseγ neγ iyi-ttalasen; neγ ahat ad s-tinnim tella tγawsa i ilan, bγiγ ad sen-tt-kkseγ, dγa nγiγ-ten !

Akken fukeγ adiskur-inu, dγa fγen-d imeṭṭawen deg wallen-iw, ẓleγ ifassen-iw γer igenni, γer igennawen, mektaγ-ten-id yal yiwen s yisem-is, wa sutreγ deg-s aγiḍi i widak yettwaγen, wa d tayri i widak ḥemmlen. Umneγ d akken γaḍeγ imdanen-nni yellan dinna, umneγ d akken nulleγ-ten s wayen-nni sen-d-nniγ d imeṭṭawen-nni i wumi d-briγ. Imi akken refdeγ allen-iw γer igenni, sutreγ tamuγli i Yiṭij d Tegyust#,  akken ad d-wallin yir tagnitt i deg lliγ. Imi akken sen-ulseγ ayen i iyuγen, uγaleγ xeẓreγ lγaci-nni d-yusan ad wallin abṛusi-inu, wehmeγ imi ten-nwallaγ am akuṛu#,ṭṭfen tiεebbaḍ-nsen, ttaḍsen. Xelεeγ imi wallaγ ger-asen ula d Milun, winna akken γer ttilliγ, ula d netta yettaḍsa. Yettaḍsa, itelli imi-s almi d iban ugerjum-is. Dγa nniγ-as kan akka weḥd-i weḥd-i : "Atta ddunit ! Amen-itt tura keččini. Nekkini iselken di lmut Milun, atan tura, ula d netta, ittγil-iyi d bu-tmegraḍ.  Bac akken ad d-yas ad iyi-d-yekkes di tbalaγt-agi i deg lliγ, nek yennuγen fell-as,  sdariγ axxam-is d twacult-is, atan tura, ula d netta, ara yettaḍsa fell-i."

     

Cwiṭ akka, attan tekcem-d γer tyaṭr yiwet n tmeṭṭut, telsa-d taksiwt d taberkant, tewwi-d llufan γef yiγil-is, imeṭṭawen ttazzalen deg wallen-is. Tḍeffer-itt-id sdeffir yiwet n temγart, muqret di leεmmeṛ, telsa-d taksiwt tummes, yerna teččuṛ d tifawtin, ula d nettat tettban-d teneγna, am tmeṭṭut-nni akken i d-tezwer zdat-s. Snat n tlawin-agi wwint-d snat n tseḍwa n uzemmur. Uẓant almi d imṭerḥen-nni i γef ẓẓlen tlata ibandiyen-nni nγiγ akken, beddent γer iqeṛṛay-nsen : yiwet deg-sen teṭṭef tama , ma d tayeḍ teṭṭef tama nniḍen.  Ssyen sakin, tameṭṭut-nni d yewwin mmi-s γef yiγil-is, telli imi-s, tesekker ahraḥu. Tebda tettuγu, teqqar-as : "S yisem n talsa yellan deg ulawen-nwen, s yisem uγiḍi yellan di tsiswa-nwen, issefk-awen, a wid yellan da, ad ken-γiḍent tuğğal d igujilen d-ğğan tlata ixulaf-agi yeẓẓlen zdat-nwen. Tlata ixulaf i ittwanγan d ilmeẓyen. Issefk-awen ad d-terrem ttaṛ-nsen. Ma ulac akk, issefk-awen ad tbeddem γer wegrud-agi, yeqlen d agujil akken kan d-illul. Issefk-awen xeṛttum ad tefkem d asfel argaz-agi ten-yenγan i leqwanen-nwen d talwit n tčiṭa-nwen."

Akken tekfa ameslay tmeṭṭut-nni, iban-iyi yekker-d yiwen umagistir, d netta akk i imuqren ger imagistiren-nni i d-wwin akken ad iyi-sukken di jijma, yenna-yasen i lγaci-nni yellan dinna : "Tamgerṭ akkagi d-yeḍran γer-nneγ tuklal axeṭṭi ameqran;  axeṭṭi ur yezmir yiwen ad yagi, ula d win tt-igan. Maca tura, txuṣ kan yiwet n tγawsa, ilaq-aγ ad γ-tt-id-yesefru wergaz-agi. Ilaq-as ad γ-d-yini isem n yemdukkal-is, widak-nni yellan yid-s imi akkenni ten-yenγa.  Imi γef akken ttwalliγ nekkini, yiwen wemdan weḥd-es ur yezmir ara ad ineγ tlata yergazen kan akka. Tlata yergazen, d ilmeẓyen, yerna ğehden. Ilaq-as i wergaz-agi ad d-yehdeṛ, ad d-yezenz imdukkal-is, ilaq-as a d-yini tidett, ma tewwi-yas-d ad t-neṭurṭuri, ad t-neṭurṭuri. Rnu diγen aseklaf-nni d-yeddan yid-s imi akkenni d-yuγal deg imensi, nnan-d yerwel s tuffra, ur iban ara akk anda yerra. Degmi ur nezmir ara ad t-nesteqsi. Imi ḥaca netta i isεa d inigi.  Γef wayagi i wen-d-nniγ ilaq-as i wergaz-agi ad d-yehdeṛ, ad γ-d-yefk isem n yemdukkal-is. Ilaq ad ten-neṭṭef akken ma llan. Ilaq ad ten-neḥbes. Ḥaca akkagi kan i nezmer ad ad neg tilist i tmegraḍ di tmurt-agi-nneγ."

Mazal ifuk ameslay-ines, atan kecmen-d kra n yemdanen.  D tissirit tagrikkit : Imdanen-nni i d-ikecmen wwin-d yid-sen times, ṛṛudda neγ rryac, akk d ijelkiḍen. Nek, akken kan tfuğ tiṭ-iw γef wannect-nni, tenerna deg-i tnuγni. Ma nniγ-awen tejṛeḥ tasa-w ! Nniγ-as hatan tura, ula d lmut ur ttmettateγ ara s lekmal-iw. Ẓriγ ad ttwaqezεeγ.  Ad ṛuḥeγ d tifawtin. Maca akken kan sersen tiγawsiwin-nni d-wwin akken di tlemmast n tyatṛ, tekkr-d temγart-nni i wen-nniγ telsa-d taksiwt tcerreg, tenna-yasen i lγaci-nni yella dinna : "Zwar ad tcuddem argaz-agi γer ṛṛudda-yagi, ilaq ad teksem aγemmu i yergazen-agi yeẓẓlen zdat-nwen, ilaq ad twallim udmawen-nsen, ccbaḥa-nsen d temẓi-nsen. Ilaq ad teẓrem d acu i ikkes wergaz-agi di ddunit. Ma teẓram udmawen d tfekka n yergazen-agi yenγa, iban kan akka ad qlileḥent tsisiwa-nwen, iban kan akka ur ken-yettγiḍ ara wergaz-agi m ara t-teṭurṭurim. Imi γef tedyant i iga,  ayen yeḍran yid-es drus."

aci-nni wwten-as afus i temγart-nni γef wayen d-tenna, ssyen imiren, amagistir-nni, wemγar-nni, yenna-k ṛṛuḥ kkes s ufus-ik  aγummu i yergazen-nni akken nγiγ, widak-nni yersen γef nεacat, akken ad ten-wallin lγaci. Tazwara ugiγ. Ur bγiγ ara ad walliγ udmawen-nsen. Ur bγiγ ara a d-mektiγ d acu ixedmeγ deg-sen. Maca akken ggumaγ, yekker-d umagistir-nni, wemγar-nni, yuzen-iyi-d kra iliktuṛen, refden-iyi, qerben-iyi s ddreε γer tfekka n widak-nni nγiγ-akken.  Ṭṭfen afus-iw, sersen-t γef lidṛat-nni swayes ten-γumen, dγa nekkini, degmi ẓriγ ulac anda ara rewleγ, jebdeγ-d lidṛat-nni dγa sbaneγ-d iqejmuṛen n lmeytin-nni. Aya d acu i wallant wallen-iw ! Ay amek ara teḍru yid-i ? Wallaγ imirmir ismi-w γef lalist n ikelyanen n Pirsifunya, tgennawt n inefri, wallaγ isem-iw γef lalist n iseklafen n Hades.  Wallaγ ddunit d taberkant zdat wallen-iw. Wallaγ d acu i giγ, wallaγ d acu iyi-ggunin. Ḥulfaγ i wallaγ-iw yexla. Ur ẓriγ ara akk d acu ara d-iniγ. Yekkaw yiles-iw. Ggugmeγ zdat wayen ttwallint wallen-iw. Tifekka n yergazen-nni yemezlen uγalent am iyeddiden n waman, cuffent,  ččuṛen-t d tifliwin, rnu mačči d yiwet. Riγ-ten d iγerbalen. Mektaγ-d, nniγ-as tifliwin-agi iban kan akka deg-sen i sentaγ tafruyt iḍ yezrin imi akkenni i ten-nγiγ.

 

aci-nni yellan dinna, niqal ṭṭfen iman-nsen, ur ttaḍsan ara, cwiṭ akka, ṭṭreḍqen, serḥen i igerjumen-nsen, bdan ttaḍsan. Llan ger-asen wagad  yettuγen am  yefrax n ṭawes, llan wiyaḍ ttaṭafen tiεbbaḍ-nsen deg wakken ur zzmiren ad ḥebsen di teḍsa. Ad s-tiniḍ d tameγra. S lfeṛḥ i iffγen di tyatṛ, maca zwar ad ffγen, zzin-d akk γur-i, sakden-iyi-d. Maca nekkini qureγ, ur zmireγ ara ad mbiwleγ. Ad s-tiniḍ d agelma neγ d yiwet di tgejda-nni n tyatṛ. Ur d-ffiγeγ ara deg inefri i deg tt-lliγ akken almi dimmi d-yuẓẓa γur-i Milun, isers-ed afus-is γef tayett-iw, maca γas akkenni ttruγ, snektayeγ, allen-iw ffint d imeṭṭawen, yeṭṭef-iyi deg ufus, ijebd-iyi γer-s, yewwi-yi. Izuγer-iyi,  isεedda-yi iberdan i deg ulac lγaci. Yesεedda-yi tizenqatin d tudyiqin, nteddu yettmeslay-iyi-d. Yettḥelil-iyi. Ira akken ad yekkes γef wul-iw urfan d uγilif. Maca ggumaγ ad ttuγ tadyant i yeḍran yid-i. Ur iyi-tewwi-yara lqaεa deg lḥecmat. Kksen fell-i sser. Mačči d ayen ara ttuγ kan akka s umeslay yelhan.  Yeqbeṛ wul-iw.

 

Akken newweḍ γer wexxam n Milun, neqqim cwiṭ, atan diγen wḍen-d imagistiren-nni, kecmen-d γur-i, bdan ula d nutni ara iyi-ttḥellilen. Nnan-d : "Ur yedrig ara fell-aγ yisem-ik, d yisem n tfamilt-ik, a Lukyus,  nessen-ik, nessen tafamilt-ik, nessen ccan-is. Dagi di tmurt-agi, ulac win ur k-nessin ara. Ayen yeḍran yid-ek ass-agi, ur ak-t-ngi yara akken ad nekkes fell-ak sser, ala. Degmi i k-d-tewwi ad tekkseḍ urfan d uγilif deg wul-ik. Imi ayen yeḍran yid-ek di tyatṛ, nettg-it yal seggwas, d imṛayen n tmurt maḍi i t-id-yettheggin. Yuγal d tissirit di tmurt-agi. D lficṭa. Netteg-itt i ugennaw n teḍsa. Degmi yal seggwas, issefk-aγ ad s-d-nuslufu amaynut. Ayen ara t-id-yeseḍsen. Degmi k-id-tefka tegnitt, ifern-ik d keččini d asfel assegwas-agi. Maca deg wass-agi d asawen, agennaw n teḍsa, anda teddiḍ, ad tafeḍ γer yidis-ik. Anda teddiḍ ad yeddu yid-ek. Deg wass-a d asawen, ad yeččaṛ ul-inek d lfeṛḥ. Ur mazal ara akk ad tḥezneḍ neγ ad tenuγniḍ di ddunit-ik. Ḥaca taḍsa ara tettawiḍ γef twenza-k.  Ula d imezdaγ n tčiṭa-yagi-nneγ qeblen akken ad k-rren tajmilt. Gezmen-tt d akken ad k-sallin agelma n uxulxu."

 

I imeslayen-agi-nsen, nekkini, rriγ-asen, nniγ-asen : "Tanmirt tameqrant i imezdaγ n tčiṭa-nwen, tačiṭa tufrint di tmurt n Tisalya, maca agelma d tmagut i tram ad-iyi-tesalim, ssalit-ett i  yekkiwisen tent-yuklalen ugar-inu."

 

Imi kfiγ ameslay-agi, muqleγ-ten, zzmumgeγ-asen am akken acemma ur yelli. Akken qarren : "Ur yeqris uyeddid, ur nγilen waman." - Walaγ imagistiren-nni yehway-asen umeslay-nni sen-nenniγ. Dγa gan akka kkren ad ṛuḥen,  maca zwar ad ffγen, kkreγ ula d nekkini, akkenni s wezmumeg, sarmeγ-asen ass yelhan. Akken kan ffγen deg wexxam, ata ikcem-d s tazzla yiwen uqeddac, yenna-k: " Ara k-teqqar yemma-k Birhin, as-ed s axxam ad teččeḍ imensi. A k-teqqar lawan n imensi am winna n yiḍelli." - Akken kan iyi-d-yenna akken, mektaγ-d iḍelli-nni, mektaγ-d axxam n Birhin, iwwet ujenwi deg uεebbuḍ-iw. Teṭṭef-iyi tegdi.  Nniγ-as i wqeddac-nni : "In-as i yemma Birhin, ur riγ ara ad xalfaγ ṛṛay-im, riγ a n-aseγ ad eččeγ imensi tameddit-agi deg wexxam-im, maca ass-agi inecd-iyi Milun, yeggul d akken ur teffeγ ara tameddit-agi. Yenn-ak dagi γer-s ara eččeγ imensi iḍ-agi. In-as maca azekka ma tebγa, ad n-aseγ ad ččeγ imensi γur-s."

Ur d-fukkeγ ara awal, imi d-yemmeγ fell-i Milun, yeṭṭef-iyi deg ufus, yenna-k ad tedduḍ γer teṛma, akken ad d-ncucef. Ddiγ yid-es, maca kra yekka webrid, ttdariγ-t kan akken ur iyi-d-ttwalin lγaci deg webrid. Ugadeγ anda iyi-d-ttwalin, ad bdun diγen taḍsa fell-i. Uγaleγ d taεeqquct. Ur bγiγ ara akk iyi-d-wallin. Ur ẓriγ ara amek icucfeγ, amek isefḍeγ tafekka-inu, neγ amek i d-zziγ s axxam. Ur ẓriγ ara akk d acu i ixedmeγ. Ttuγaleγ kan s lmendad i lγaci iyi-d-yettmuqulen, wa yeskan-i i wa s uḍad-is, wa yesbecbuc i wa γer tmeẓuγt-is. Ur ẓriγ ara d acu i s-qarren. Ẓriγ kan d akken d nek i id-ksan, maca ur zmireγ ara a neṭqeγ γer-sen neγ ad ten-muqleγ γer wallen. Sebkeγ kan, qqimeγ. Qaṭreγ di lḥecemmat.

Newweḍ s axxam n Milun, neqqim akken ad nečča imensi n umeγbun. Giγ akka segdeγ-t s lemγawla, dγa ufiγ-d timsensert d akken yenγa-yi uqerruy-iw deg wakken aṭas i iruγ.  Milun yumen-iyi, ulac d acu i d-yenna, ur inud' ara akk ad yefhem, yeğğa-yi kecmeγ γer texxamt-iw. Kecmeγ kan kmumseγ deg usu, dγa bdiγ ttxemmimeγ γer wayen akk yeḍran yid-i. Degmi nγiγ ibandiyen-nni, almi d imi iyi-d-yewwi Milun γer wexxam-is. D aya kan i izedγen allaγ-iw. Ggumaγ ad ttuγ. Cwi kan tkecm-ed deqal Futtis. Tkecm-ed γur-i degmi tesgen tameṭṭut n Milun d asawen. Maca wallaγ udem-is ibeddel. Mačči d tinna d-ikečmen γur-i ayagi iεeddan s wezmumeg, iḍ-nni, tkecm-ed tenuγna. Udem-is yeṭṭulem. Iban kan akka ikerz-itt weγbel. Iban-iyi wudem-is am akken yekmec. S d acu i tra ad iyi-d-tini, maca tkukra. Teṛga cwiṭ, tuγal tenna-k : "D nekkini i k-yegren di tbalaγt-agi i deg telliḍ, d nekkini i d ssebba n wannect-agi akk yeḍran yid-ek."  - Ssyen sakkin, tger afus-is s iciwi-s, tekks-ed tajelkiṭ,tefka-iyi-tt-id, tenna-k : "Ṭṭef. Err-d ttxilek ttaṛ-ik deg-i, di tin i k-yesweḥlen di tedyant i γef ur tebniḍ. Xedm-iyi akken i k-yehwa. Xedm-iyi ugar n wayen i k-xedmen. Maca γur-ek anda tettamneḍ d akken s lebγi-w i k-giγ annect-agi. Ala. Werğin k-mennaγ ayen n ddir. Σemdaγ maḍi ad awiγ i yiri-w ayen d-iteddun γur-ek. Maca nekkini, ur sεiγ ara zzheṛ, ayen giγ, mgal-ik i d-yezzi."

Maca nekkini, deg wakken riγ ad ẓreγ d acu yeḍran yid-i, nniγ-as : "Tajelkiṭ-agi, iyi-d-tefkiḍ akkagi akken ad kem-wwteγ yes-s, ad tt-gezmeγ. Ad tt-gezmeγ cwiṭ cwiṭ, zwar ad t-tenal aglim-im, leggwaγen am rric,  mellulen am uyefki.  Maca in-iyi-d amek armi d kemmini i d ssebba n wayen akk yeḍran yid-i. In-iyi-d kulci. Amek i d-tebda taluft-agi ? Ad am-ggaleγ, s yixef uqerruy-iw, ma zemreγ akk ad amneγ d akken yezmer ad iyi-d-yekk seg-m ṭṭer. Maca ma yella tgiḍ-iyi ṭṭer s nniya-m, ur tfaqeḍ ara, tagara teffeγ-d akken nniḍen, zemreγ ad am-iniγ, a Futtiγ, cukkeγ yella kra yellan sdeffir akk wannect-agi."

Imi ttmeslayeγ, wallaγ allen n Futtis ttmeṛmayent, mačči seg imeṭṭawen, di lebγi. Tebγa ad ttgen yid-i. Nekkini, akken kan tt-wallaγ akken, sbeddeγ ameslay, mγeγ fell-as, sudleγ-tt γer yedmaren-iw, serseγ-as ticenfirnin-iw γef lecfaṛ-is, dγa sudneγ-tt.

Sudneγ-tt kan, teḍwa tafat γef wudem-is. Tetti. Tuγal mačči d tinna akk n llina. Yuγal-itt-id zzin-is, tuγal-itt-id taḍsa-nni-ines, tenna-k : "Eṛgu ciṭuḥ, eğğ-iyi ad medleγ tabburt n texxamt, akken ulac win ara γ-d-yeslen. Ayen ara k-d-iniγ ur issefk ara ad yeffeγ leḥyuḍ n texxamt-agi." - Tṛuḥ, terra tabburt, terra-yas ddreε, tuγal-ed, tεelq-ed γer wemgerḍ-iw, tesbecbec-iyi-d γer tmeẓẓuγt, tenna-k: "Ugadeγ. Ugadeγ ad k-d-iniγ ufiren n wexxam-agi. Ugadeγ ad k-d-iniγ d acu i wumi tezmer ad texdem tmeṭṭut n Milun. Maca liγ laman yid-ek. Ttekleγ fell-ak. Ttekleγ γef tmusni-inek. Ẓriγ γur-ek iman yelha. Ẓriγ tunageḍ aṭas, tessneḍ aṭas n yegduden,  tessneḍ idles-nsen, teẓriḍ s wacu i ittamnen... Degmi i zemreγ ad ttekleγ fell-ak, ẓriγ d akken tzemreḍ ad teffreḍ ayen ara k-d-iniγ. Maca amen-iyi. Ur iyi-ttqil ara ma yella sunfeγ-ak.  D aya kan ara sutreγ deg-k. Xelṣ-iyi γef wayen ara k-d-iniγ s tsusmi-k. Imi ḥaca nekkini, di ddunit-agi, i yessnen ufiren n wexxam-agi. D tayri-yagi i γ-yezdin iyi-sawḍen akken ad k-ten-id-iniγ. Werğin ten-nniγ i yiwen. D keččini i d amezwaru a ten-yeslen deg imi-w. Tura ad k-mleγ tazmert n tmeṭṭut n Milun, amek i tetturar s yetran, amek i tesexdam ula d igennawen, amek i s-yettaγ awal yiṭij, wagur, waḍu... d wayen akk d-yezzin i ddunit-agi. Yerna ad k-iniγ, amen-iyi d akken tameṭṭut n Milun, tessexdam kan tazmert-agi-ines m ara tfuğ tiṭ-is γef ilemẓi icebḥen aṭas. Yal tikkelt m ara twalli ilemẓi icbeḥ aṭas, yehwa-yas, ad d-tejbed tazmert-ines.

Ussan-agi γlin-as γer tiṭ yiwen ilmenẓi n tmurt n Buyisya,maca ma nniγ-ak yecbeḥ, γas amen-iyi. Degmi ters tiṭ-is fell-as, ur tethenn' ara. Ulac d acu ur d-snulf' ara. Tessuffeγ-d akk temusni-ynes d tezmert-ines. Sliγ-as iḍelli tameddit, nniγ-ak, sliγ-as s umeẓẓuγ-iw, imi tettgala d yiṭij. Tettgala deg-s, terfa fell-as imi ur yeγli yara zik, imi ur yeğğ ara iḍ a d-yeγli akken ad teg ikururen-is. Sliγ-as tettgala deg-s, teqqar-as ad k-greγ sdaxel n usigna d tellis i lebda. Twalla ilemẓi-nni iḍelli i tikelt tamezwarut. Twalla-t imi d-tezzi di teṛma. Tufat-id ibedd zdat yiwen wakfuṛ, yettṛağğu akken ad s-iseṭṭel. Tkecm-ed kan s axxam tceggeε-iyi akken ad s-d-awiγ acebbub-is, winna akkenni gezment temqesin, d-yeγlin γer lqaεa. Ṛuḥeγ, imi wwḍeγ γer lmakaza n wakfuṛ-nni, kecmeγ s tufra, bdiγ jemεeγ-d di lqaεa acebbub d-yeγlin deg uqerru n ilemẓi-nni n Buyisya, dγa iwala-yi-d wekfuṛ-nni. Iwala-yi-d kan ifaq. Ifaq imi imezdaγ n tčiṭa-agi ssnen akk deg wacu i tsexdam tmeṭṭut n Milun. Yeẓra d nettat iyi-ceggεen. Yuẓẓa-d γur-i, yeṭṭef-iyi deg ufus, yenna-k : "Teggumaḍ ad tceεfeḍ. Tugid ad tettuḍ tidak-im. Akken kan ara d-yas ad iseṭṭel mmi-s n tfamilt, a d-tazleḍ akken ad takreḍ acebbub-is. Ad tettixreḍ i lecγal-agi neγ ad kem-zenzeγ γer imagistiren.  - Ssyen sakkin, afus-is yewweḍ-iyi-d, yebda ara iyi-ttnadi. Yuγal yegr-it γer iciwi-w, yekks-ed acebbub n ilemẓi-nni, acebbub-nni d-refdeγ akken yakkan zwar ad iyi-d-iwali, yekkes-iyi-t. Imirimir mektaγ-d tameṭṭut n Milun. Tekṛeh m ara s-ffγen lecγal afus. Ẓriγ d acu iyi-ttṛağğun. Yal tikelt m ara iyi-tceggeε γer kra, ur s-t-id-wwiγ ara, ad teγli deg-i t-tiγrit. Beddeγ dinna. Ttxemimmeγ. Bγiγ ad rewleγ. Uγaleγ mmektaγ-k-id. Dγa giγ akka, uγaleγ-d s axxam.

 

Tedduγ-d γer wexxam ttergiggiγ. Qqareγ-as amek ara qableγ tameṭṭut n Milun s ifassen d ilmawen.  Lḥiγ cwit,  dγa wallaγ yiwen wergaz itelles s temqesin tlata iyeddiden n tγeṭṭen. Anẓaden d-iγellin deg yeddiden-nni d iwṛaγen am widak-nni n ilemẓi-nni n Buyisya.Ğğiγ argaz-nni almi ifuk tulsa, dγa ṛuḥeγ jemεeγ-d kra n wanẓaden n tγeṭṭen-nni, wwiγ-asen-t-id i tmeṭṭut n Milun.  Fkiγ-as-ten. Ssyen sakkin, akken d-teγli tmeddit, keč tuγ-ik tegnitt mazal d-tekcimeḍ, telliḍ tettetteḍ imensi γer yemma-k Birhin, wallaγ tameṭṭut n Milun tuli γer uṭiras i yellan deffir wexxam, anda ulac aḍu, anda tweha tmuγli-ines γer tama n usamar. Aṭiras-nni, deg wakken yedreg i wallen, tezga tessexdam-it. Deg-s i txeddem s tufra ikururen-is. Imi dinna ulac akw win i izemren ad tt-id-iwali.  Wallaγ-tt telli awemmus annect-ilat, trefd-d deg-s tibbelaṛin d timecṭuḥin ččuṛent, yal yiwet d acu usafar i teğğa sdaxel-is; tesufγ-d lamcat d tiṛeqaqin yal yiwet s tmeslayt swayes tura; terna tsers-ed icuqufen n lembwabeṛ-nni akk i  iγerqen dagi γer-nneγ, wigad-nni i d-ḍeggren waman s nutni s yemdanen-nni d-yeddan seg-sen. Wallaγ-tt tekks-ed imeẓuγen, iḍudan, anzaren, allen n widak-nni akw d-isusef yilel, yal yiwen anda yenṭel. Walaγ-tt tekkes-ed imesmaṛen i γer εelqen icedluḥen n weksum d teqreεtin ččuṛent d idammen, ayen-nni akk d-tuker i widak-nni yemmuten, wa yettwaxneq, wa yettwanγa, terna-d diγen iceqlalen n yemdanen-nni d-sagwren yizmawen. Tuγal tfesr-ed γer lqaεa iẓerman, mazal-iten akken xebḍen. Ssyen sakkin tebda teshetrif, teqqar fell-asen ur ẓriγ ara d acu-tt tmeslayt-nni. Rnu tettṛucuten, ha s waman n tala, ha s uyefki n testa, ha s tamment n wedrar, tikwal tesurug-asen maḍi tadṛumalt#.  Tuγal tessaγ times s caṛbun, teddem-d anẓaden-nni s d-wwiγ akken, tga-ten d tiskraf, tcudd-itent ta γer ta, tṛuc-itent s isufar-nni n tbellaṛin, tḍegger-itent γer tmes akken ad ṛγent. Akken bdant reqqen wanẓaden-nni, rriḥa-nsent n bu zelluf tulli deg igenni, atnan jebdent-ed imawlan-nsent. Yal taγawsa yeṛγan a d-tejb-ed bab-is. Degmi rriḥa n wanẓaden-nni mačči d ilemẓi-nni n Buyisya i d-tewwi,  tewwi-d imawlan-is. D nutni i d-tufiḍ zdat n tebburt n wexxam imi d-tkecmeḍ iḍ yezrin. Zdat-sen i tuγaleḍ d Ayaks. Asmi yerfa, yeγli s wefruy γef inimiken-ines, yenγa-ten akk.  Ur yeğği yiwen. Maca imi d-yuki, imuqel widak-nni yenγa akken yufa d akraren. Dγa yenγa iman-is. Maca keččini, mačči d akraren i d-tufiḍ zdat wexxam. Tufiḍ-d tlata iyeddiden n tγeṭṭen. D widak-nni i tfetkeḍ s tefruyt. D widak-nni i tenγiḍ. Degmi k-nniγ tugareḍ Ayaks lkuṛaj. Tenγiḍ tlata iyeddiden n tγeṭṭen, yerna ur tumiseḍ ara d idammen. Gedha s yis-ek, mačči a win ineqqen irgazen, maca a win ineqqen iyeddiden.   

Ṭreḍqeγ d taḍsa γef ayen d-tenna Futtis. Maca rriγ-as, nniγ-as : "Nekkini zemreγ a d-iniγ d akken ayagi ad ternuγ γer 12 ikuṛfiyen-nni  n Hiṛakles.  Tlata iyeddiden ttakken anzi γer Giryun bu tlata tfekka neγ Kirbiṛus, weqjun-nni bu tlata iqurra, winna akkenni yettqaraεen tabburt n tgelda n Hades. Maca akken ad m-surfeγ, a Futtis, γef wayen iyi-tgiḍ, issefk-am ad iyi-tesekneḍ tameṭṭut n Milun m ara txeddem ikururen. Ma yella teskenḍ-iyi-tt, atan ad ttuγ akk ayen yeḍran yid-i γef ddema-m. Issefk ad tt-waliγ. Ad tt-waliγ m ara tetti; m ara tesawal i igennawen; m ara tettmeslay s tmeslayt-nni-ines d tγawsiwin-nni i teseqdac...  Bγiγ ad waliγ kulec. Ḥemmleγ timucuha n ikururen. Issefk ad waliγ amek  i txeddem tmeṭṭut n Milun. Yerna γef wakken ttwaliγ ula d kemmini tesneḍ lecγal-agi. Imi deg wesmi d-cfiγ werğin iyi-tesehbel tmeṭṭut am kemenni. Zik-nni rregleγ maḍi γef tlawin, maca yid-em, m ara waliγ allen-im yettiṛiqen, ticenfirin-im tizeggaγin, amzur-inem alegγan, m ara iyi-tesudneḍ di tqemmuct, m ara ṭṭfeγ tibbucin-inem... ur ẓriγ ara akk anda lliγ. Zdat-em uγaleγ d aseklaf. Uγaleγ maḍi d taγewsa-inem, yerna s lebγi-w. Almi tura, akk yid-em, ttuγ iman-iw, ttuγ axxam-iw, ur d-lhiγ ara akk ad zziγ γer tmurt-iw. Ttmenniγ kan yiwet n tγawsa, melmi ara d-yeγli yiḍ akken ad t-sεeddiγ yid-em."

Fittus tenna-k : "Nek ammer ttafeγ, a Lukyus, ad k-dduγ di lebγi. Seg ul rriγ d akken ad k-sekneγ tameṭṭut n Milun m ara txeddem ikururen, maca yewεeṛ, imi tettextiṛi tameddit n wass, m ara d-yeγli yiḍ, akken ulac akk win i izemren ad tt-iwali. Maca imi d keč, ad geγ akk ayen i wumi zemreγ akken ad tawḍeḍ lebγi-k.  Ad sεeddiγ lebγi-k uqbel tegdi-inu. Triḍ ad twalliḍ tameṭṭut n Milun m ara txeddem ikururen, ad t-twalliḍ.  Ayen ibγun yeḍru. Ad sutreγ kan deg-k yiwet n tγawsa. Ḥaca ayen i teẓriḍ. Ammer ha anda t-tεawadeḍ. Ma yella kra i twalaḍ,  anef-as kan γur-ek."

Skud nettqessiṛ, skud tettekkar tmes deg tfekka-nneγ. Nemsebγa dayen kan. Nuγal nekkes icettiḍen-nneγ, neqqim εeryan, nemyuṭṭaf, dγa nebra i iman-nneγ ger iγallen n Wnisa, tgennawt n tayri. Nurar almi neṛwa, almi neεya, dγa yebda naddam yettrusu-d γef lecfaṛ-nneγ. Nga akka neṭṭes. Tewwi-yaγ tnafa, newt-itt deg wusu almi yuli wass.

Nesεedda akkenni kra n wuḍan, nezga akkenni, yal iḍ neggan akken. Almi d yiwwas, teγli-d tmeddit, qqimeγ di texxamt-iw almi wallaγ Futtis tettazal-ed, yexseṛ wudem-is, ad s-tiniḍ yella kra i tt-id-yesxelεen. Tewweḍ-d kan γur-i, tenna-k d akken tameṭṭut n Milun, deg wakken tegzem layas, yegguma a d-yas γur-es ilemẓi-nni n Buyisya, attan teqsed akken ad tetti deg yiḍ-agi d afṛux, ad d-tesemγi rric d iferrawen, ad tesrifeg γur-es. Tenna-k issefk-iyi ad heggiγ iman-iw akken ad waliγ ayen akk werğin walaγ di ddunit-iw. Neṛga almi d-yeγli ṭṭlam akken iwata, dγa tezzuγer-iyi Futtis γer yiwet n texxamt i deg d-yettban uṭiras-nni yellan sdeffir wexxam, anda akkenni i txeddem tmeṭṭut n Milun ikururen. Nuli skali γef yixef n tfednin, ad s-tiniḍ netteddu γef taduṭ, yiwen mačči yezmer a d-isel i ṛkeḍ-nneγ. Nekcem γer texxamt-nni, dγa Futtis tesken-iyi-d yiwet n teḍwiqt akkenni,  muqleγ deg-s. Atah d acu i walaγ : walaγ Pamfil, tmeṭṭut n Milun, tekkes εeryan, ssyen sakkin telli yiwen usenduq, tesuffeγ-d deg-s kra n tbewaḍin, tekkes tadimt i tbewaṭ tmezwarut, tebbeγ aḍad-is, dγa tebda tdehen tafekka-ines s ddhin. Tedhen akk iman-is,  deg wacaren almi d taqacuct uqerruy-is. Cwiṭ akka, tebda tettmeslay i lamba-ines, maca tettmeslay-as s laεqel, tugad ammer yella win ara s-d-yeslen.  Ssyen sakkin, tebda tekkat s iγallen-ines akken yekkat wefṛux s iferrawen-is i m ara iεeddi ad yeferfer. Tekkat tekkat s wafriwen almi yebda rric yettefγ-ed deg weksum-is, niqal iteffeγ-d d amecṭuḥ, yuγal yebda yettumγur; anzaren- ines uγalen d aqammum, acaren-ines walaγ-ten gemmen almi uγalen annect n widak-nni n lbaz,  zzur-it, yerna εewjen. Wallaγ Pamfil tuγal d bururu. Tuγwas, tewwet abrid neγ meṛtayen s yiffer,  dγa tγewwes di tegnaw.

Wehmeγ kan. Ur umineγ ara allen-iw. Wallaγ-tt akka imi tuγal d bururu s tezmert-ines. Ma nniγ-awen qureγ, qureγ. Yettel yiles-iw. Yerna m ara xzeṛγ akka, ulac d acu i yeḍran yid-i.  Ur iyi-d-tḥuz' ara s ikururen-ines, neγ ahat ad s-tinim terwi-yi allaγ-iw. Ala. Maca akken wen-nniγ, sexceγ deg wayen ttwaliγ, zdat wayen i wumi lliγ d inigi. Ḥulfaγ i iman-iw mačči d amdan, mačči d Lukyus, ttuγ iman-iw, uγaleγ d taγawsa.  Hebleγ. Ad s-tiniḍ d targit i ttargguγ. Ḥukkeγ allen-iw s ufus-iw, nniγ-as ammer ahat ṭṭseγ, ur d-ukiγ ara. Ur umineγ ara afus-iw.  Kkreγ ṭṭfeγ-d afus n Futtis, wwiγ-t ar wallen-iw, nniγ-as : "Ttxilem, a Futtis, imi γ-d-tesemlal tegnitt am ta, neḥdeṛ akken i wemdan yetti d afṛux, m ur iyi-tefkiḍ ciṭuḥ di ddhin-nniswayes tedhen tafekka-ines tmeṭṭut n Milun.  Efk-iyi ciṭuḥ n deg-s, kkes-it-id di tbewaṭ-nni i deg t-id-tekkes Pamfil.  Ttxil-em, gerγ-am allen-agi yeṭṭef ufus-im, a ddunit-iw,  m ur iyi-tettiḍ d amray-inem bu tafriwin. Efk-iyi-d ciṭuḥ n ddhin, sakkin, xedm-iyi akken im yehwa. Ma triḍ ad qqimeγ yid-em i lebda, ad qqimeγ. Ur kem-ttağğaγ ara ḥacama d lmut. Ad qqimeγ yid-em, a Wnisa. Eg-iyi kan taferawin."

Futtis tenna-k : "Ah ! triḍ, ay uccen, ad k-fkeγ s ufus-iw ajelkiḍ swayes ara iyi-tewteḍ.  Mazal k-id-snesreγ ger wacaren n tucaninin n Tisalya, triḍ yakkan ad tettiḍ d afṛux, akken ad tesrifgeḍ. Anda ara k-nadiγ sakkin ? Melmi ara k- waliγ ?"

Ah ! Awer d-yaweḍ wass-n ara kem-ğğeγ ! Atan γas ad ttiγ d igider, ad εelliγ akkin i igenwan; anef γas ad uγaleγ d aneglus n Wubdir; ḥaca tuγalin ara d-uγaleγ γer wewḍef-inu aḥamayan. Ur kem-tettuγ γas ma quleγ d afṛux. Am galleγ  s wayen akk yellan, s tsekraf n wemzur-im, tidak-nni swayes teqneḍ ul-iw γur-em : ar ḥaca keminni i iḥemmleγ. Ulac tameṭṭut nniḍen i izedγen allaγ-iw. Tusa-yi-d tekti : m ara dehneγ tafekka-inu, m ara ttiγ d afṛux, ad am-galleγ, ur triseγ akk γef wexxam yezdeγ wemdan. A wi yuγalen d bururu, ad iḥemmel tin yebγa wul-is,  ad iwwet kan s yiffer, anda tella ad tt-yaweḍ ! Yerna am akken teẓriḍ, imdanen ḥemmlen ad d-ṭṭfen bururu, ticki ara d-yekcem γer lḥaṛa-nsen deg yiḍ, ttsemiṛen-ten γef lluḥ n tebburt-nsen, akken ad rren ayen akk n dir i d-iteddun γer at yexxam-nni. Maca zwar ad dehneγ tafekka-inu, d acu iyi-ilaqen a tgeγ neγ ad t-inniγ sakkin, ma yella rriγ ad d-uγaleγ d amdan ?"

Futtis tenna-k : "Ekkes aγbel. Ẓriγ amek. Teslemd-iyi Pamfil amek i issefk a d-rreγ tafekka yettin akken tella zik-nni. Akken tra tfekka-inek tetti, ad k-id-rreγ d amdan. Ammer ad tγileḍ teslemd-iyi annect-agi imi iyi-tḥemmel, teslemd-iyi-t imi tettiḥwiğ-iyi. Yal m ara d-tuγal, d nekkini i s-yettakken asafar i tt-id-yettaran d amdan. Amek akken dγa ih ? Ad dmeγ imγiyen, ad ten-xeḍleγ, ad s-ten-fkeγ ad ten-tsew, ssyen sakkin, ad d-tuγal akken tella zik-nni : ih, ad tedmeḍ cwiṭ ubesbas, sin iferrawen n ilili, ad ten-tḍeggreḍ γer waman n tala. Ssyen sakkin, ad teddmeḍ aman-nni, ad tesweḍ deg-sen, rnu diγen ad tesirden yis-sen, dγa ad tuγaleḍ akken telliḍ ! Daya !"  

Akken iyi-d-tenna akkagi, tṛuḥ γer yiwet n texzant, tetteddu tettergiggi, telli tabburt, teddem-d yiwet n tbewaṭ d tamecṭuḥt deg yiwet n texzant, tefka-yi-tt-id. Ṭṭfeγ tabbewaṭ-nni s ssin ifassen, unzeγ γef uqerruy n Futtis, sutreγ deg-s akken ad iyi-terr d afṛux. Riγ ad srifgeγ deg yiḍ-nni.  Ssyen sakkin kkseγ iceṭṭiḍen-iw, bγeγ iḍudan-iw di ddhin-nniyellan di  tbewaṭ-nni, bdiγ ḍeluγ-t i tfekka-inu, akken i texdem akken Pamfil, zwar ad tuγal d afṛux. Akken ḍliγ ddhin-nni i tfekka-inu, bdiγ kateγ s iγalen-iw, maca yegguma ad iyi-d-yemγi rric, gguman ad iyi-d-mγin wanciwen. Ttkemileγ akkenni ttseṛfiqeγ zzunakit s iferrawen-iw, cwiṭ akka, wallaγ ttefγen-ed deg weksum wanẓaden d iberkanen, d izuranen, ma d aglim-inu, winna yellan d aleqaq, netta, yebda yettaγar, yettaγar almi yuγal aγegad. Iḍudan-iw, ḥulfaγ-asen dduklen, uγalen d aṣabbut neγ d lḥafer, ma sdeffir-i, ddaw uzagur, temγi-yi-d tseṭṭa.  Atan diγ ḥulfaγ i wudem-iw yettiγzif, imi-w iεegguj, uglan-iw ttumγuren, icenfiren-iw tteεluluqen, anzren-iw ttihriwen, ma d imeẓẓuγen-iw, ur wen-d-qarreγ ara, uγalen annect-ilaten, yerna ččuṛen d ccεeṛ. Imi ẓriγ akkenni, nuγnaγ mačči d kra. Ẓriγ dayen, ur zmireγ ad sudleγ ger iγallen-iw Futtis. Acimi i wen-d-nniγ akka, axaṭer ḥulfaγ i wfallus-inu, ger iḍarren-iw, yettakkar-iyi-d, yettaγar, yerna mačči dayen ara teseṛweḍ, ay amdan : annect n treggaγt. Yerna am win yettkebblen. Ur zmireγ ara ad rewleγ. Qqimeγ kan, ttmuquleγ deg iman-iw. S tidett, ttiγ, maca mačči d afṛux, ttiγ d aγyul.  Xeẓreγ Futtis, rfiγ fell--as aṭas. Maca dayen, ur zmireγ ara ad geγ ayen ttgen yemdanen neγ ad s-inniγ kra neγ kra, imi uγaleγ d aγyul. Iεerq-iyi umeslay.  Gugmeγ. Cwiṭ akka, akken ad s-fehmeγ d akken nṭereγ, briγ i wcenfir n wadda, seεlulqet γer lqaεa, lliγ γer-s allen-iw i d-yeččuṛen d iqezbuṛen imeṭṭawen,  ḍegreγ-as i Futtis anexzuṛ deg idis.  Nettat, Futtis, imi iyi-d-twalla akkenni, uγaleγ d aγyul, tewwt udem-is s ssin ifassen, tuγwas : "A tawaγit-iw, muteγ. Tegdi d uγiwel sexrben-iyi ccγel.  Σeṛqeγ di tbewaḍin, imi kifkif-itent. Maca ur ttagad, zemreγ ad fesxeγ akurur-agi k-yerran d aγyul. Yeshel. Yella usafar-ines. Tura ad k-id-rreγ akken telliḍ. Issefk-ak ad teččeḍ tawerdett, ssyen sakkin, ad tuγaleḍ d amdan, ad tuγaleḍ d Lukyus-inu, winna akkenni ḥemmleγ. Ah ! Ammer ẓriγ akka tili a d-heggiγ kra n twerdtin, akken ixxedmeγ m ara tetti Pamfil, tili tura kan ad k-id-rreγ akken telliḍ.  Ur tegganeḍ ara akkagi ula deg yiḍ-agi. Ttuγ.  Maca ad teflali kan tafat, ad fγeγ ar lexla, ad awiγ afasux ara k-d-yerren tafekka-inek akken tella."

Atah wamek i s-tendem Futtis i wayen tga. Ma d nek, uγaleγ d aγyuL Lukyus yuγal d zayla n ttεebga. Maca allaγ-iw yeqqim akken yella, d allaγ n wemdan. Degmi i bdiγ ttxemimeγ ma ilaq ad kerceγ neγ ad wwteγ s tuqra Futtis taγeddart. Maca uγaleγ meyzeγ, nniγ-as ma yella nγiγ Futtis, dayen, ur mazal ara akk ad uγaleγ d amdan. Giγ akka briγ i wqerruy-iw, senhezzeγ-t, neḥcameγ.  Uγeγ-tent kan γer daxel, qqimeγ. Beddeγ akken ciṭuḥ, uγaleγ ḍewreγ, dγa ṭṭfeγ abrid s addaynin. Rniγ ar tama n wegmer-inu. Ufiγ dinna di lkuri aγyul wis-sin, winna n Milun. Ula d netta dinna i yella. Nniγ-as ammer yettmeyiz lmal, ammer yettḥulfu am wemdan, tili agmer-inu, ad iyi-d-yeεqel, yerna ad t-γiḍeγ.  Nniγ-as ammer ad iyi-d-yeεqel, iban kan akka ad iyi-yeğğ ad gneγ γer tama-s, yezmer maḍi ad iyi-yeğğ amkan-is. Mača agmer-nni-inu d weγyul-nni n Milun, akken iyi-d-walan, gerwen fell-i akken ad iyi-tent-seṛwun. Degmi i yugaden akken ad bḍun yid-i amur n tuga-nsen, akken kan iyi-d-wallan uẓaγ γer-sen, dewṛen γef tikelt, dγa ṣekkekn-iyi-d γef tikelt. Cwi kan ur iyi-d-ḥuzan ara. Nekkini,  amek ara xedmeγ, wexreγ-d imirimir syenni. Ugadeγ ad aẓeγ ula γer tuga-nni-nnsen, tinna akkenni i d-uγeγ s yedrimen-iw iḍelli-nni.

Atah ihi wamek iyi-d-mugren wegmer-inu d weγyul n Milun. Atah wamek i d-uffiγ-d iman-iw weḥd-i.  Rewleγ  γer yiwet n teγmert, qqimeγ dinna. bdiγ ttxemmimeγ γer uzekka-nni.  Nniγ-as ad d-tawi kan Futtis tawerdett, ad sweγ aman-is, ad uγaleγ d Lukyus, ssyen sakkin ad s-sekneγ i wegmer-inu. Ur s-ttefγent ara i yiri. Azekka ad  ixelleṣ ayen akka iyi-xdem. Uγaleγ zziγ aqerruy-iw, muqleγ γer deffir-i, walaγ isened γer tgejdit n teγmert n lkuri-nni ugelma n tgennawt Ipuna#. Wallaγ dewren-as i uqerruy-is s tedla n twerdtin akken kan d-ttwakksent.  Akken kan wallaγ tiwṛedtin-nni, nniγ-as dayen selkeγ. Maca agelma n tgennawt-nni yebεed fell-i. Yekka ger-anaγ yiwen ssuṛ d amecṭuḥ. Akken ad awḍen icenfiren-iw ijeğğigen-nni, ilaq-iyi ad jebdeγ aṭas amgerḍ-iw. Giγ akka beddeγ γef ssin iḍarren ineggura, smaẓdeγ amgerḍ-iw, briγ i icenfiren-iw almi iyi-qerḥen, dγa fkiγ iles-iw akken ad d-ṭṭfeγ tiwredtin-nni. Akken kan yenul yiles-iw ijeğğigen-nni, dγa iwala-yi-d useklaf-nni n Milun, winna iqeddcen di lkuri-nni, dγa yeεna-yi-d. Yerfa fell-i dayen kan. Yewweḍ-d kan, yenna-k : "Ar melmi ara snawi i zayla-yagi, llina yebγa ad yečč amur n lmal, tura atan ara yettmiẓid ad yečč ula d ayla n igennawen ! Tura a k-mmleγ nekkini. Ad k-rreγ d aqudaṛ s teγrit, a yir nuqla." - Dγa  akken yenna i teḍra, yuzel akken ad d-yawi s wacu ara iyi-wwet. Ixzeṛ akka d wakka, dγa iwala yiwet n teẓwit, yuzzel γur-es, yemmeγ, irefd-ed amesraf annect-ilat, mazal-it kan akken s tseḍwa d wafriwen, dγa yeγli di lkaṛṭa-w.  yekkat yekkat almi yesla sṭebṭuben γef tebburt. Yekker wahṛahu di beṛṛa. Nesla s anwa i yettuγun : "Imakaren ! Imakaren ! " - Dγa aseklaf-nni, imi yesla akken, iḍegger amesraf-nni-ines, yeṭṭef-itt d tarewla, yeğğa akken tabburt n lkuri telli.

Cwiṭ akka, bṛaṛḥent akk tburra, dγa kecmen-d imakaren-nni. Aṭas yid-sen. Yal wa d acu i d-yewwi, wa d afruy, wa d asafeḍ. Tafat isufaḍ-nni-nnsen ḍwan lḥaṛa. Ad s-tinniḍ d iṭij i d-icerqen. Imakaren-nni, llan deg-sen wagad yeqqimen deg ufrag εussen; llan wagad nniḍen yebdan ttnadin d acu ara wwin.  Xeḍlen tmes d wuzzal. Walaγ-ten wwin-d acaqur,  dγa bdan ttṛuzzun tabburt n texxamt i d-yezgan di lemmast n lḥaṛa, anda akkenni yettağğa Milun Leknuz-ines.  Taxxamt-nni γur-es aṭas n tsura, yernu tabburt-ines tdus aṭas, γef wayagi irefden imakaren-nni γer-s acaqur. Wwet wwet almi tt-llin. Wwin akk ayen sen-yehwan, gran-d ḥaca ibibluten#,  ula d widak-nni refden-ten, bḍan-ten ger-asen. Gren akk ayen ufan γer tcekkaṛin, maca ugar ticekkaṛin imakaren. Dγa gan akka suffγen-aγ-d di lkuri, nek d weγyul-nni n Milun akk d wegmer-nni-inu, εebban-aγ ayen d-ukren akken, almi ur nezmir ara a nembiwel, dγa zuγren-aγ s yiγil. Maca imi neffeγ di tčiṭa, ğğan yiwen deg-sen, akken ad iwali d acu iheddren medden azekka-nni, akken ad iẓer ma yella win ten-iwalan, ma εeqlen-ten, ma ẓran anwi neγ ala.  Ssyen sakkin, refden-d iεewzen γer-neγ, wwin-aγ s tazzla. Sεeddan-aγ deg iberdan weεrit aṭas,  rnu asawen.  Nteddu nteddu almi newweḍ γer wedrar.

Teγzi n umecwaṛ, taẓiyt n taεkemt, tasawent n webrid, rran-iyi sserdeγ. Mmuteγ. Maca akken qarren, ayen yelhan ur ifut, riγ ad rreγ γer win γer ttaran akk ikiwisen, γer umefrur ameqran, akken ad iyi-d-yesukkes di tbalaγt-inu. Degmi akken yuli wass, nezger yiwet n taddart, nufa-tt teččuṛ d lγaci, nεedda afuṛum, sseleγ i yemdanen-nni yellan din ttmeslayen s tegrikkit, lliγ imi-w, bedreγ s tlaṭinit isem n Ugustus  Kayzaṛi, maca ḥaca ṣṣut n "U" d aγezfan i d-yefγen deg imi-w. Igrikkiyen-nni slan-d kan i tmeslayt n weγyul. Ulac akk win i d-yeslan i yisem n Ugustus Kayzaṛi. Yettel yiles-iw. Ur zmireγ ara ad t-id-iniγ. Imakaren-nni, rfan fell-i, ur sen-yeεğğib ara akk ṣṣut-nni-inu, dγa mγen-d fell-i, γlin deg-i s iεewzen, skern akk aglim-iw.  Maca Ubdir ur iy'-iğği yara.  Yesukk-aγ kra n lfirmat akkenni, nteddu, nettεeddi zdat yexxamen. Nekkini ttwalliγ akka d wakka, almi i iban yiwen wurti, zdat yiwen wexxam, wallaγ yiwet n tejṛa akkenni, teččuṛ d tiweṛdtin. Mazal fell-asent nnda n ṣṣbeḥ. Sunfeγ γer wurti-nni, lliγ imi-w akken ad d-kkseγ yiwet n twerdett, uγaleγ beddeγ. Nniγ-as ur ilaq ara ad tt-id-kkseγ. Imi ma yella kkseγ-tt-id, ččiγ-tt, uγaleγ d Lukyus, terwi fell-i. M ara iyi-d-wallin akken imakaren-nni uγaleγ d amdan, ad agaden ad ten-zenzeγ, iban kan akka ad γlin fell-i s iεewzen alama sleqfeγ. Imi imakaren-nni ur qeblen ara akken ad ğğen inigi sdeffir-nsen. Giγ akka beddleγ ṛṛay. Ğğiγ tiweṛdtin-nni, uγaleγ-d s abrid. Qebleγ tudert-nni-inu tamaynut n weγyul, qebleγ ttεebga d teγrit, qebleγ ad ččeγ alim d tuga, imi ẓriγ d acu iyi-ggunin ma yella uγaleγ d amdan.

0
0
0
s2sdefault
X

Right Click

No right click