Unṭayus d acacfal, d mmi-s n Puzaydun d Gaya. M'ara innal uḍar-is akal, yiwen ur mačči izmer ad t-iγḍel. Unṭayus izdeγ di tmurt n Libya, izzewray-d deg ubrid i yiminigen, ineq-iten. Sekra n win d-iwwi ubrid-is, inγa-t. Yernu m'ara ineγ yiwen ad t-yazzu, a d-ikkes leqcqac-iues, a t-yernu γer iqecqac n wid inγa yakkan, akken ad isalli yis-en ades i baba-s  Puzaydun.

Yiwen wass, iwwi-d ubrid Hiṛakles, asmi iteddu a d-yawi tiḍufa n wuṛeγ deg urtan n Hispirides. Izewra-s-id Unṭayus, dγa myuṭṭafen, bdan amεebbaṛ. Maca yal tikkelt, m'ara t-iγḍel Hiṛakles, dγa a d-ikker, imi netta akken kan ara innal uḍar lqaεa, ad s-terr yemma-s Gaya ifadden, dγa ad d-ikker.

Yuγal Hiṛakles, iṭṭef-it, yerfed-it ger igenni d tmurt, iskufer-it.