Dzus iḥemmel Iyu. Yettimlil yid-es deg umdun n Lirna. Yewwas, deg wakken  yugad a s-tfiq  tmeṭṭut-is Hiṛa, iga akka, yerra Iyu d tafunast.  Hiṛa, nettat tfaq-asen. Tenna-yas i Dzus :" Efk-iyi tafunast-agi, dγa, ifka-yas-tt. Hiṛa tewwi tafunast-nni, tefka-tt i Waṛgus, akken ad tt-iεass. Aṛgus-agi,  d ameksa n yezgaren γur-es miyya wallen. M'ara iṭṭes 50 n wallen gnent, 50 εussent. Dzus ira ad iwalli Iyu, maca amek ara ixdem. Ikker yuzen Hiṛmis akken ad ineγ Aṛgus. Hiṛmis yerfed lira-ines, ibda ikkat. Ma d Aṛgus ismuzgut almis iṭṭes. Akken iṭṭes, dγa inγa-t. 

Ssyin sakkin, Dzus yuγal γer tidak-is: ittwalli Iyu.

D acu ur tmul ara Hiṛa tuzen-as i Iyu aggun neγ ṭaεun, iṭṭafer-itt s deffir, itteqs-itt, almi tt-iseḍwa. Tezzi-d akk i wagrakal, tuγal tezger illel n Busfuṛ, tettazzal almi tewweḍ γer tmurt n Aygiftus, anda tuγal tadiyust, tinna umi qqaren Igiftiyen Isis. 

Hiṛa asmi immut Waṛgus, tekkes-d allen-is terra-tent i rric n ufrux n ṭawes. Γef ayagi i yesεa tixutam timdewrin am wallen deg ujeḥlum-is.