L'athéisme, tendance contre-productive face à l'islamisme en Kabylie

L'athéisme, tendance contre-productive face à l'islamisme en Kabylie

             Un athée, dans un village kabyle,...

Islam kabyle ou retour du refoulé chrétien?

Islam kabyle ou retour du refoulé chrétien?

              Dans cet article,...

Brûler la terre pour conquérir les esprits...

Brûler la terre pour conquérir les esprits...

" Il est un arbre dont je n'entends pas dire qu'ait germé son pareil ; un arbre invaincu, arbre...

La lutte culturelle ou l'impossible victoire?

La lutte culturelle ou l'impossible victoire?

            Selon Régis Debray «Une...

Tisnalalit ou la Renaissance

Tisnalalit ou la Renaissance

Le phénix ou phoenix, mot grec Phoînix, qui signifie "Pourpre" est un oiseau légendaire, doué...

Le défi kabyle

Le défi kabyle

               La Kabylie peut...

La Kabylie, une terre méditerranéenne

La Kabylie, une terre méditerranéenne

              Par ses paysages et...

Les Maîtres de vérité en pays kabyle (4)

Les Maîtres de vérité en pays kabyle (4)

                "Elle se tient...

Pourquoi ce site?

Pourquoi ce site?

  « Notre propos sur ce site est de rendre la Kabylie à sa dimension méditerranéenne,...

Nos ancêtres adeptes du soleil

Nos ancêtres adeptes du soleil

                ...

Qu'Athéna nous protège !

Qu'Athéna nous protège !

            Il fut un temps, le monde...

Pour une loi réprimant le blasphème

Pour une loi réprimant le blasphème

Voici une contribution de notre ami et maître, Jean-Michel Lascoux, ancien professeur de Lettres...

La mort dans le regard

La mort dans le regard

              Acrésios, roi d'Argos a une fille qui s'appelle Danaé. Selon l'oracle, si cette...

Religion et liberté en Kabylie

Religion et liberté en Kabylie

      "La bête arrache le fouet au maître et se fouette elle-même pour devenir maître, et ne...

L'homme ancien et l'idée de dieu

L'homme ancien et l'idée de dieu

Pour le monothéiste, Dieu est unique. La croyance, pour ce dernier, est très simple. Dieu,...

Le monstre dans l'imaginaire kabyle

Le monstre dans l'imaginaire kabyle

Awaγzen, ogre ou cyclope...

Apulée - Eros et Psyché (texte latin)

Apulée - Eros et Psyché (texte latin)

  (Apulée L'âne d'or ou les Métamorphoses Livre IV) [28] Erant in quadam civitate rex et...

Afulay - Iṛus d Psukki :-: Apulée - Eros et Psyché

Afulay - Iṛus d Psukki :-: Apulée - Eros et Psyché

    (Texte latin) Iṛus d Psukki     Amacahu, deg yiwet n turbit1, llan...

Anẓar, Ilibbiyen, Igrikkiyen d Ilaṭiniyen

Anẓar, Ilibbiyen, Igrikkiyen d Ilaṭiniyen

Imezwura-nneγ ttgen aṭas n wazal i tmeddurt d wayen sen-d-yezzin. Ttidiren s wayen...

VIII. Timecreṭ, le centre du cercle

VIII. Timecreṭ, le centre du cercle

              La viande de...

Les Maîtres de Vérité en pays kabyle (3)

Les Maîtres de Vérité en pays kabyle (3)

        L'oracle et la...

Pour une nouvelle Numidie ! Mise au point (2)

Pour une nouvelle Numidie ! Mise au point (2)

      Le mythe est le discours d’une société sur elle-même.   Il nous...

Les Maîtres de vérité en pays kabyle (2)

Les Maîtres de vérité en pays kabyle (2)

  La Vérité des saints kabyles   Pour les Grecs de l'âge...

VII. Timecreṭ, dans l'oeil du monothéisme

VII. Timecreṭ, dans l'oeil du monothéisme

    Dans cet article, nous allons essayer d'étudier un exemple parfait de...

VI. Timecreṭ, partage de compensation

VI. Timecreṭ, partage de compensation

                    Timecreṭ est une pratique qui met fin, durant un jour, aux inégalités...

Les Maîtres de Vérité  en pays kabyle (1)

Les Maîtres de Vérité en pays kabyle (1)

  Tidett, Vérité en kabyle, est presque sur toutes les lèvres et...

La Kabylie et la religion

La Kabylie et la religion

              Le villageois kabyle...

Epictitus, Afuslibri - Epictète Manuel

Epictitus, Afuslibri - Epictète Manuel

I. Ta eph'hémin ta ouk eph'hémin (Ayen icudden ɣer-nneɣ d wayen ur ncudd ara...

Nos ancêtres, vous dites? Lesquels ?

Nos ancêtres, vous dites? Lesquels ?

              Les Kabyles disent...

Tous azimuts: contre le Berbère

Tous azimuts: contre le Berbère

         Nous allons, dans cet article, voir comment...

Si l'Afrique du Nord m'était contée...

Si l'Afrique du Nord m'était contée...

En ce moment, nous lisons énormément de choses dans les journaux et sur les pages des réseaux...

Le paganisme, à l'épreuve du monothéisme

Le paganisme, à l'épreuve du monothéisme

Nna Tassadit, une vieille femme kabyle, dans son champ, vaque à ses activités champêtres....

Le réveil du Lotophage

Le réveil du Lotophage

  "Mais, à peine en chemin, mes envoyés se lient avec les Lotophages qui, loin de méditer le...

 Mammeri:

Mammeri: "L'arbre de mon climat à moi, c'est l'olivier"

      "L'arbre de mon climat à moi, c'est l'olivier ; il est fraternel et...

"La culture ne s'hérite pas, elle se conquiert" Mise au point

  Si nous nous intéressons aux cultures antiques grecques et latines, ce n'est pas pour...

Tafigurit n ddunit ɣer Yemzwura-nneɣ

Tafigurit n ddunit ɣer Yemzwura-nneɣ

(ixf amezwaru) Imezwura-nneγ ttgen aṭas azal i tmeddurt d wayen sen-d-yezzin. Ttidiren...

Les Berbères ont le droit de revendiquer leur part de l'héritage gréco-latin

Les Berbères ont le droit de revendiquer leur part de l'héritage gréco-latin

  Entretien réalisé par le correspondant de la Tribune à Tizi...

  • L'athéisme, tendance contre-productive face à l'islamisme en Kabylie

    L'athéisme, tendance contre-productive face à l'islamisme en Kabylie

  • Réhabiliter Anzar, plus qu'une urgence!

    Réhabiliter Anzar, plus qu'une urgence!

  • Islam kabyle ou retour du refoulé chrétien?

    Islam kabyle ou retour du refoulé chrétien?

  • Brûler la terre pour conquérir les esprits...

    Brûler la terre pour conquérir les esprits...

  • La lutte culturelle ou l'impossible victoire?

    La lutte culturelle ou l'impossible victoire?

  • Tisnalalit ou la Renaissance

    Tisnalalit ou la Renaissance

  • Le défi kabyle

    Le défi kabyle

  • La Kabylie, une terre méditerranéenne

    La Kabylie, une terre méditerranéenne

  • Les Maîtres de vérité en pays kabyle (4)

    Les Maîtres de vérité en pays kabyle (4)

  • Pourquoi ce site?

    Pourquoi ce site?

  • Identité religieuse, entre étiquette et ressentiment

    Identité religieuse, entre étiquette et ressentiment

  • Nos ancêtres adeptes du soleil

    Nos ancêtres adeptes du soleil

  • Qu'Athéna nous protège !

    Qu'Athéna nous protège !

  • Pour une loi réprimant le blasphème

    Pour une loi réprimant le blasphème

  • La mort dans le regard

    La mort dans le regard

  • Religion et liberté en Kabylie

    Religion et liberté en Kabylie

  • L'homme ancien et l'idée de dieu

    L'homme ancien et l'idée de dieu

  • Le monstre dans l'imaginaire kabyle

    Le monstre dans l'imaginaire kabyle

  • Apulée - Eros et Psyché (texte latin)

    Apulée - Eros et Psyché (texte latin)

  • Afulay - Iṛus d Psukki :-: Apulée - Eros et Psyché

    Afulay - Iṛus d Psukki :-: Apulée - Eros et Psyché

  • Anẓar, Ilibbiyen, Igrikkiyen d Ilaṭiniyen

    Anẓar, Ilibbiyen, Igrikkiyen d Ilaṭiniyen

  • VIII. Timecreṭ, le centre du cercle

    VIII. Timecreṭ, le centre du cercle

  • Les Maîtres de Vérité en pays kabyle (3)

    Les Maîtres de Vérité en pays kabyle (3)

  • Pour une nouvelle Numidie ! Mise au point (2)

    Pour une nouvelle Numidie ! Mise au point (2)

  • Les Maîtres de vérité en pays kabyle (2)

    Les Maîtres de vérité en pays kabyle (2)

  • VII. Timecreṭ, dans l'oeil du monothéisme

    VII. Timecreṭ, dans l'oeil du monothéisme

  • VI. Timecreṭ, partage de compensation

    VI. Timecreṭ, partage de compensation

  • Les Maîtres de Vérité  en pays kabyle (1)

    Les Maîtres de Vérité en pays kabyle (1)

  • La Kabylie et la religion

    La Kabylie et la religion

  • Epictitus, Afuslibri - Epictète Manuel

    Epictitus, Afuslibri - Epictète Manuel

  • Nos ancêtres, vous dites? Lesquels ?

    Nos ancêtres, vous dites? Lesquels ?

  • Tous azimuts: contre le Berbère

    Tous azimuts: contre le Berbère

  • Si l'Afrique du Nord m'était contée...

    Si l'Afrique du Nord m'était contée...

  • Le paganisme, à l'épreuve du monothéisme

    Le paganisme, à l'épreuve du monothéisme

  • Le réveil du Lotophage

    Le réveil du Lotophage

  • Feraoun:

    Feraoun: "Nous sommes riverains d’une même mer, tributaires d’un même climat et fixés sur la même...

  •  Mammeri:

    Mammeri: "L'arbre de mon climat à moi, c'est l'olivier"

  • "La culture ne s'hérite pas, elle se conquiert" Mise au point

  • Tafigurit n ddunit ɣer Yemzwura-nneɣ

    Tafigurit n ddunit ɣer Yemzwura-nneɣ

  • Les Berbères ont le droit de revendiquer leur part de l'héritage gréco-latin

    Les Berbères ont le droit de revendiquer leur part de l'héritage gréco-latin

Tazwart

 

ante

Ma nger tamawt ar wamek ttwallin ddunit di tira-nnsen Yegrikkiyen n zik, amek ttwallin wayeḍ (win ur nellin ara d Agrikki), amek ttwallin abeṛṛani, amek ttwallin iman-nnsen..., ad nwalli, si tama-nneɣ, amek i llan di lawan-nni ttwallin Illibiyen. A nwalli amek i ten-ttɣilen, d wamek i ttmeslayen fell-asen.

 

Zwar ad twalliḍ wayeḍ, ad s-tsemmiḍ abeṛṛani, isefk-ak ad d-tesfergeḍ akal-ik. Ad as-tsemmiḍ ayla-k neɣ tamurt-ik. Ad s-tgeḍ tilisa. Ad s-tefkeḍ isem. Ssyen sakkin, tzemreḍ ad tefkeḍ isem ubeṛṛani i wayen akk ur d-ẓerbent ara tlisa-nni-inek.  Akken ad twalliḍ wayeḍ d abeṛṛani, akken ad tinigeḍ ɣer-s, isefk-ak ad t-tmuqleḍ di tmurt-nni-inek. Isefk-ak ad tebduḍ tikli ɣer-s di tmurt-nni-inek. Isefk-ak ad teṭṭfeḍ tamurt-nni-inek am wakken d nettat i d timiṭ n ddunit. Akka igan Yegrikkiyen. Gan tilisa i tmurt-nnsen, sseman-as ddunit tagrikkit. Fkan isem i yemezdaɣ-is, semman-asen Igrikkiyen. Ma d ayen akk yellan beṛṛa i tlisa-nni-nnsen, winna qarren-as ddunit tabeṛṛanit.

 

 

Igrikkiyen rran tikfilin i tmurt-nnsen. Gan-as tilisa, akken ad ẓren ansi d-uɣalen. Akken ad ferẓen d acu i d ayla-nnsen, anwa i d ayla-nnsen, amek izemren ad t-bḍun gar-asen... Ma yella d timura igemḍen, timura idergen i wallen-nnsen, tidak-nni i ɣer ur zmiren ad inigen, tidak-nni werğin ẓrin, tidak-nni ttwallin-tent di tmucuha. Di lawan-nni, ulac Tajugrafit, ulac imusnawen yettinigen akken ad gen lkarta n tmura. Degmi ayen akk ttmeslayen d wayen akk ttarun Yegrikkiyen ɣef tmura tibeṛṛaniyin, tekksen-t-id deg izran neɣ di tmucuha. Ar Yegrikkiyen, llan snat ddunitat : tella ddunit tagrikkit, tella ddunit n wiyaḍ, ddunit wer-tagrikkit, neɣ ma tram ddunit tabeṛṛanit.

 

Humirus, "adaskalus n Yegrikkiyen", xeṛţum akka i s-qarren Yegrikkiyen n zik. D netta i igan tilisa i tmurt n Tegrikt. Deg isefra-ines i ttelmaden iggurdan igrikkiyen ansi tebda d wansi d-tuɣal tmurt n Tegrikt. Humirus icennu ddunit akken tt-ttwallin Yegrikkiyen yellan di lawan-nni-ines. Ilyada tuls-ed ɣef tmurt n Tegrikt d tmurt n Asiya. Udissiya, netta, yuls-ed ɣef yinigen n Udissus, ɣef tmura i ɣef d-ikka zwar ad yaweḍ ɣer tegzirt-ines, Ittakki.

 

Tamusni, di lawan-nni n Humirus, tella deg isefra d wayen d-ttarwen wallaɣen n imedyazen. Ɣas akken Plaṭun ɣur-es tamuɣli nniḍen. Yura-t-id di libri-nni-ines i wumi yeqqar Ion, anda d-yenna d akken ur isefk ara ad s-neg aṭas n wazal i tmusni n tmedyazt. Yerna diɣen ur isefk ara akken tamedyazt ad tuɣal d nettat i d tussna n uselmed iggurdan iggrikkiyen. Ɣas akkenni, Igrikkiyen semman-as i Udissiya n Humirus Lunsiklupidia.  Ttafen deg-s akk tamusni i ran ad affen.  Deg  inigen n Udissus, ladɣa tussna n yinig ɣef waman. Tussna yellan di tmacahutt n Udissus tuɣal d idles atnusi (ethnos), d idles n yal Agrikki. Degmi yal Agrikki yeẓra ur ilaq ara ad yinig s uɣerabu ɣer umalu n Tegrikt, ammer ad teččen Xarubdi d Skulla.

 

Asmi sakkin d tnulfa tjugrafit, bdan ijugrafiyen ttinigen. Gan lkaṛtat n tmura, uran fell-asent  isem n yal tamurt. Uran-d ɣef tmura-yagi d yegduden i tent-izedɣen. Akkagi i gan imusnawen imezwura yebdan ttinigen, am Hikkatayus, Tales,  imusnawen d  ifusiken n Yunya. Wigi uran ɣef tmura ɣer unagen ayen wallan d wayen sen-d-nnan imezdaɣ n tmura-nni. Uran ayen wallant wallen-nnsen. Deg imiren, nezmer ad d-nnini tebda-d tmusni n tidett n ddunit-agi. Imusnawen-agi igrikkiyen ssawḍen tamusni armi wwḍen Iggrikkiyen  sulin tafluṭ-nnsen. Imusnawen-agi nudan anda d-zgant tmura nniḍen akken ad inigen ɣer-sent, akken ad ẓren amek ara inigen ɣer-sent s iɣuraben-nnsen. Ma nger tamawt i lkaṛtat n tmura xedmen, ad anaf ladɣa tṛasin iberdan n yilel yettawin ɣer tmura-nniḍen. Ula deg wakal, ad anaf tṛasin siwa isaffen, iɣeẓran d iberdan n waman. Imi ɣer Yegrikkiyen, ilel d netta i yezdin timura Tegrikt. Imi timura-nnsen, ɣas d tigzirin, ɣas akken msebɛadent, ḥesben-tent Yegrikkiyen d tamurt-nnsen, d tamurt n Tegrikt. Ma d timura ur d-neqqinen ara ɣer-sen, tidak-nni semman-asent timura tibeṛṛaniyin, neɣ timura n ibaṛbaṛen.

 

 

 

Abeṛṛani, abaṛbaṛ d Wugrikki

 

Astatu agenwan ?

 

 

Xénos, di ddunit tagrikkit, ɣur-es azal meqqur. Maca Agrikki ur yell' ara d agzinufubbi*. S tidett win d-yusan ɣer tmurt-is yettban-as-d d abeṛṛani, ur t-yessin ara. Ɣas ma yella abeṛṛani-nni yettban-as-d mačči am netta, asennubget n Wegrikki d atafer (devoir/amawal). Yettagwad ammer ahat d adiyus i d-yerzan ɣer-s. Xénos, anda yerra di tmurt n Tegrikt, yesdarray-it Zeos Xénios (atan seddaw laɛnaya n Dzus.) Abeṛṛani semɣaren-t Yegrikkiyen. Agrikki ara yerẓen tassirit-agi, winna ssufuɣen-t Yegrikkiyen seg udrum-nnsen. gellzen-t, ţɣunzun-t ikiwisen. Rnu-yas diɣen, idiyusen, ur s-kemmun ara.

 

Maca tikwal d anmir akken ad tferzeḍ amgared yellan ɣer Yegrikkiyen ger Xénos d Barbaros, imi qaṛṛen Xénos ula i Wegrikki d-yusan di tčiṭa nniḍen. Ma d Barbaros, wagi qarren-t i win yellan mačči d Agrikki.

 

Yerna diɣenna awal-agi n Xénos yettaf sima*-ines, ala deg usennubget. Ma d Barbaros winna d amgal n Wegrikki. D isem-is i d awal-is. Degmi ur feṛzen ara d acu i yettmeslay, yesbeṛbuṛ kan, dɣa sawalen-as abaṛbaṛ.

 

Tameslayt d nekwa

 

Abaṛbaṛ, semman-as Yegrikkiyen abaṛbaṛ imi ur yettmeslay ara tagrikkit, tameslayt yesdukklen igduden igrikkiyen. Imi ɣer-sen, ɣer Yegrikkiyen, s kra n win yettmeslayen tagrikkit, winna ḥesben-t nnsen : d Agrikki. Ma d win ur nessin ara tagrikkit, winna mači nnsen, winna d abaṛbaṛ. Imi winna, ɣer-sen, ur yettmeslay ara. Akken kan yebda yettlemmim. Dagi i tella tilist gar Wegrikki d ubaṛbaṛ. D tameslayt. Agrikki yettxemmim d akken ur yezmir ara ad yemeslay yid-es, ur yezmir ara ad yemsefham yid-es. Tamuɣli-yagi n Yegrikkiyen teskan-aɣ-d akken yal yiwen yettwali tameslayt-is telha, tameslayt n wayeḍ txus. Yal yiwen seg-nneɣ yettxemmim tameslayt n wayeḍ ur tebbwiḍ ara d tameslayt. Yettwal-itt am' akken d tameslayt n yeẓwan*, ur tesaweḍ ara akken ad msefhamen yes-s yemdanen. Akka i ttwallin yemdanen wid ur nessin ara tameslayt-nnsen. Awal s awal, a k-inin "Nekni". Nekni nela taɣerma, nela tamusni, ma yella d wiyiḍ d uḍlisen, ulac d acu i ssnen. Ttbanen-asen-d i yat-Nekni d isuffağen. Yal agdud yettwali kan timiṭ-is. Yal agdud yettktili wiyaḍ ɣer wayen yessen d wayen yela. Yal amdan yettwali iman-is ḥaca netta i d amdan. S kra n win ur nga ara am netta, winna atan deg wesuki n talsa. Akken ula d Alibbi, ɣer Wegrikki, d abaṛbaṛ.

 

Abaṛbaṛ u ugemmaḍ

 

Atah ihi wamek i ttwallin yemdanen taddukli. Qarren teddukkel tɣawsa, ticki d-tettban ddukklen isegman-ines, neɣ ma tram ayen akk swayes tulli tɣawsa-nni. Akken ula d atnus (ethnos), yettban-d d yiwen, ticki t-tesdukkel tmeslayt, yesdukkel-it yedles. Atnus-agi a t-tferzeḍ, imi tettban ccetla-ines, tettban tmeslayt-ines. Abaṛbaṛ ur yelli ara d abaṛbaṛ armi yemgarad d Wegrikki. Agrikki yela tameslayt. Abaṛbaṛ xaṭi. Agrikki iddukkel yedles-ines, tesdukkel-it tmedyazt n Humiṛus. Sdukklent wuraren n Hillada, anda ttemlilen warraw n Hilini, anda turaren, anda ttemyenfalen, anda ţgen tidukliwin akken ad gen lgirra.

 

Barbaros, awal-agi gan-t Yegrikkiyen i Yfeṛsiyen. Ɣas akken Ifeṛsiyen d aɣref yeddukklen, d acu d agemḍi n wetnus Agrikki, warraw n Hilini. Yerna nezmer a d-nini d Ifersiyen i yedeggren Igrikkiyen akken ad gen tilisa i tmurt-nnsen. Deg wakken ten-id-nebcen acḥal n tikkal, dɣa Igrikkiyen gan tiseɣlit i tmurt-nnsen. Deg imiren ibdan beṭṭun ddunit. D acu i d Agrikki, d acu i d wer-Agrikki; anwa i d Agrikki, anwa i d wer-Agrikki. Ddukklen, gan tiddukla, uɣalen d yiwen weɣref. Uɣalen d yiwen weɣref mgal aɣref afeṛsi, agemḍi-nnsen. Ɣas akkenni tičiṭa n tmurt n Tegrikt ur temsefhament ara, asmi d-ibges ɣer-sen Xsayarsa, ugellid amuqran n Ifeṛsiyen, ddukklent-as tčiṭa-yagi am yiwet. Di tdukli-nni-nnsent, illul-ed wetnus Agrikki. Ssyen sakkin, bḍan ddunit : llan si tama Yegrikkiyen, si tama nniḍen llan Ifeṛsiyen, neɣ Ibaṛbaṛ. Deg imiren, Igrikkiyen sawalen akk i yegduden nniḍen Ibaṛbaṛ, sawalen-asen akken ula i Ilibbiyen.

 

Akka, abaṛbaṛ, ɣer wegrikki, d inimik neɣ d aɛdaw. Abaṛbaṛ, mačči kan d agemḍi n Wegrikki. Abaṛbaṛ yettnadi ad yenkeṛ akk ayen yellan d Agrikki. Dɣa deg imiren awal-agi n ubaṛbaṛ qnen-t Yegrikkiyen i Ifeṛsiyen d yegduden akk i sen-d-yezzin, gar-asen Ikaṛyan, Imedwa...artg.

 

Llan yegduden yettidiren ar tama n Yegrikkiyen, yerna igduden-agi ulac akk d acu i ten-yezdin d Ifeṛsiyen, am ugdud Askutay, yettidirin di tama n ugaffa n tmurt n Tegrikt. Wigi ɣas akkenni mačči d Ifeṛsiyen, ttwallin-ten Yegrikkiyen seddaw talsa. Ttwalin-ten am yeẓwan n teẓgi n tmucuha. Akken i ttwallin Yegrikkiyen ula d Ilibbiyen di tmucuha-nnsen. Akken ttwalin akk igduden-nniḍen. Ulac akk agdud yeččuren tiṭ i Yegrikkiyen.

 

Abaṛbaṛ, ur yettwaṭṭaf ara kan akka. Maca ɣas akkenni, ɣer Yegrikkiyen, akken kan ara t-wallin, ɛeqlen-t. Ɛeqlen-t, imi ɣer-sen, abaṛbaṛ, ur ig' ara am nutni. Ayen akk i yexeddem yezleg. Degmi t-ttwallin ixullef-iten, ixullef imdanen. Imi Igrikkiyen ttwallin ḥaca nutni i d imdanen. Deg wakken ur tessinen ara, dɣa bran i yilesawen-nnsen, ttawin fell-as timucuha. Ttwallin-t akken ran a t-wallin, mačči akken yella.

 

 

 

 


 

 

Timagut n wayeḍ

 

Zik-nni, win iran ad yissin wayeḍ, isefk-as ad isel i tligdin (legenda) ss-d-sawalen widak-ines. Igrikkiyen ttmeslayen aṭas ɣef wiyaḍ deg tligdin-nnsen. Am akken dɣa s tidett tiligdin-agi qarrent-d ayen yellan ɣef wiyaḍ. Yerna am akken teẓram, deg wegni n wesru,  diskur n tligenṭ yezwar-d win n tesṭurit ; ma yella deg wegni n tfusi, diskur n tligenṭ ittmeslay-d ɣef imukan werğin yeẓri, ɣef imukan i yettara maḍi sagwaden, am Xaribdu d Skulla. Taligenṭ tneğer allaɣ n wemdan. D nettat i s-yettmalen amek iga wayeḍ. Tikwal, taligenṭ tessexdam tmagut akken ad d-temeslay ɣef yegduden nniḍen, ɣas akkenni mačči aṭas n yemsefliden i ifehmen timagutin-nni, maca tiligdin, iswi-nnsent yiwen. Ad nwalli akk annect-agi akkagi ciṭuḥ ɣer zdat. A nwalli d akken s tidett d timagutin-agi i inejren allaɣ n Yigrikkiyen. Dayen i yufan deg-sent i d-ttalsen neɣ i d-ttarun ɣef yegduden nniḍen.

 

Maca, zwar ad d-nawi ameslay ɣef annect-agi, isefk-aɣ ad d-nini d acu i d taligenṭ, d acu n wemkan i teṭṭef ger Yegrikkiyen ? S tidett, ur nezmir ad d-nemeslay aṭas ɣef temsalt-agi n tligenṭ, imi ugar n imusnawen i d-yuran yakan fell-as, maca nezmer ad d-nini akken d akken d taligenṭ i ineğren allaɣ agrikki di tallit-nni. Yerna ula d awal-nni n Muthos ur d-iban ara d akken imgarad ɣef Logos almi d lqern wis-IV. Zwar, sin wawalen-agi, Muthos d Logos, ur ttwafṛazen ara akken iwata.

 

Taligenṭ, Muthos, temxallaf ɣef tmacahutt. Taligenṭ ttɣilen-as yemdanen d ayen yellan. Taligenṭ, tuɣal maḍi yes-s i ttmeyizzen yegduden. Taligenṭ teqqen ɣer nekwa n yal agdud, yal aɣref, yal tawacult, yal tačiṭa. Yal agdud, yal aɣref, yal tawacult, yal tačiṭa ɣur-sen taligenṭ i sen-d-ismektayen amek i d-nulfan, anisi d-frurin, ansi d-kkan.  Taligenṭ d nettat i yettreṣin tilisa gar Yegrikkiyen, gar tčiṭa tigrikkiyen, gar Yegrikkiyen d yegduden ibeṛṛaniyen. Tiligdin n Yegrikken ttmeslayent-d aṭas ɣef yegduden nniḍen : am tligenṭ n Tmaẓunin. Taligenṭ-agi tbeggen-aɣ-id d akken Igrikkiyen ttwallin igduden nniḍen akken ran ad ten-wallin, imi Timaẓunin, ɣer Yegrikkiyen, d atnus n tlawin tigrariyin, i ineqqen irgazen-nnsent d warrac-nnsent. Igrikkiyen ttwallin Timaẓunin-agi mačči am yemdanen nniḍen. Suffɣen-tent di talsa.

 

Taligenṭ neɣ diskur aligdan, zwar kulci, yella d awal, d awal d-nnan, ɣur-es anamek (lmeɛna) di tmagutin i t-iwulmen kan. Imi yal taligenṭ, yal tama n Tegrikt amek i tt-ttawi, amek i tt-tesawal. Yal taligenṭ, yal aɣref (groupe) deg wetnus n Tegrikt amek i tt-yettawi. Rnu yal aɣref yeqqar-as d taligenṭ-inu i d-yezwaren, d taligenṭ-inu i s n tidett. Maca zwar kulec, taligenṭ d taɣawsa tessexdam tmeslayt n tsekla. M ara d-yawi wetnus taligenṭ, ur tt-id-yettawi yara akken tella, yettbeddil-as ma issefk ad as-ibeddel, yettbeddil-as ittara-tt akken twulem, amek i twulem d wamek teffeɣ fell-as. Yal taligenṭ s tugnitt-ines. Anect-agi yesmektay-aɣ-id innan n isuffiyen d imedyazen. Yal asuffi, yal amyaru, yal amedyaz irennu sɣur-es i tlegdin d-yufa ɣer wetnus-ines. Degmi i yesefk ɣef win yeqqaren tiligdin, ad yissin tiligdin-agi amek ten-id-ttawin medden zik-nni, zwar ad sen-ɛiwden tira imyura-yagi d imedyazen-agi.

 

Taligenṭ d ayen d-snulfan lɣaci, d ayen d-qarren imezwura. Taligenṭ d lsas n yal tasekla. Agad yettarun tiligdin, ttarun ayen d-ufan yakkan ɣer imezwura-nnsen. Ulac d acu i d-snulfan si tama-nnsen yemyura-yagi. Ma yella amdyaz neɣ amyaru yuls-ed akken iwata taligenṭ, winna ad tafeḍ fehment lɣaci, yerna hemmlen-t. Imi di tegnitt am tagi, amedyaz-nni neɣ amyaru-nni, yerra-yasen i lɣaci ayen d-ufan yakkan ɣer imezwura-nnsen. Yella deg idles-nnsen. Taligenṭ d ayen illan deg idles n lɣaci-nni, sdaxel-nnsen, d ayen ran ad yilli. Degmi ifeṛzen iman-nnsen deg tlegdin sen-d-talsen imedyazen-nnsen d yemyura-nnsen. Ttɣilen-as ddunit-nni yella di tlegdin-nni d tinna i yellan di beṛṛa. D anect-agi meṛṛa i yettuɣalen d idles n yegduden. Tasekla tesnulfuy-d ddunit, tettcebbiḥ-itt s tmuga, s tmiṭafurin, tettaru-tent akken iwata. Rnu-yas yal amyaru ɣur-es abrid n tira-ines, weḥd-es. Yal tasekla tlul-ed deg wayen d-qarren lɣaci. Maca tasekla tettara ayen d-qarren lɣaci d tamagut neɣ d asefru. Tettara-t yecbeḥ. Tikwal tettara-t axiṛ n wakken t-id-nnan lɣaci. Degmi i nezmer ad nwali di tsekla timagut yela yal amyaru ɣef wayeḍ, ɣef yemdenan nniḍen, ɣef yegduden nniḍen. Yerna nezmer diɣen ad nefhem, m ara nɣer tasekla n yemyura-yagi, amek lɣaci-nnsen (widak-nni i wumi ttarun) ttwalin Wayeḍ d yegduden nniḍen.

 

Timagut am lemri. Maca d acu n wazal tela tmagut m ara d-terr udem mačči kan n yiwen wemdan, tikwal tettra ad aɣ-d-tesken udem n yegduden kan akken ? Amek tram diɣen akken udem n wayeḍ ad ɣ-d-yesefhem amek iga wudem-nneɣ ? M ara nesteqsi d acu i ɣ-d-teqqar tmagut, m ara nẓer astut-ines (Astut/ statut), dinna nesteqsay s tidett amek iga dɣa wudem-nni ɣ-d-teskanay.

 

Timagut ur tezmir ad tilli weḥd-es, ad d-temeslay ɣef yiman-is. Isefk ad tili taɣawsa ara tt-id-yeseknen. Nettwali udem-nneɣ di lemri akken d-ittuɣal deg wudem-is alegweɣan, udem-nni n lemri, igan i wannect-agi. Ma yelha lemri, yettexdem akken ilaq, iban kan akka ad-ɣ-d-yerr timagut-nneɣ akken tella, ad tt-nwalli akken ɣ-d-ttwalin wiyaḍ. Timagut nettwalli di lemri m ara nbed zdat-es d timagut-nneɣ, mačči d tin n lğar-nneɣ, mačči d tin n wayeḍ. Nɛeqqel iman-nneɣ. Degmi i wen d-nniɣ llina d akken timagut tuhwağ taɣawsa i ilaqen ad ɣ-tt-id-tesken. Timagut issefk ad tt-ttwaɛqal akken kan ara tt-nwalli. Issefk ad tt-neɛqel, ad nẓer d acu-tt, n wi-tt-ilan. Timagut-agi ɣur-es anamek (lmeɛna) ma yella neẓra d acu i ɣ-d-teskanay, ma yella diɣen yessen-itt wayeḍ, yettwali-tt akken tt-nettwali. Timagut teskanay-aɣ-d ayen nessen, ayen ssnen wiyaḍ, d wayen ɣef msefhamen yemdanen. Timagut, ɣur-es yiwen unamek, anida tebɣu tilli. Timagut tettmeslay i tmuɣli, tga akken ad tt-twali tiṭ, akken ad tt-nefreẓ, akken ad nẓer d acu-tt, d acu i ɣ-d-teqqar.

 

Timagut msefhamen fell-as yemdanen, almi tuɣal tira d awal n tedmust (Société/de démos, grec), tuɣal tettmeslay akken yettmeslay yiles-nneɣ. Tameslayt-agi n tedmust tella zwar ad tt-naru, am imeslayen, llan zwar ad ten-id-nini : imi m ara nessusem, ur nessusum ara axaṭer ur nessin ara a nemeslay. Ɣas nessusem, nessen a nemeslay, imi aẓeṭṭa n tmeslayt yella deg uqerray-nneɣ, yeffer seddaw yiles-nneɣ, ires ɣef udem ufus. Tameslayt-agi n tedmust d nettat i ineğṛen allaɣ-nneɣ, tezga tella yid-nneɣ. D nettat i yeneğṛen taluggust-nneɣ, axayel-nneɣ, tikta-nneɣ, d wayen akk nxeddem.

 

Timagut, kifkif, am tmeslayt-agi n tedmust, ula d nettat tneğer allaɣen-nneɣ d tiktiwin-nneɣ. Ur tezmir ara ad tili anamek (lmeɛna) ḥaca di tegnitt-is, ɣas akken neẓra d akken timagut-nni tezmer ad turar s tegnitt-nni-ines.  Nezmer ad d-nini : "Yal timagut s tegnitt-ines." Degmi timagut ur tezmir ad ɣ-d-terr swaswa akken yella wayen ɣ-d-teskanay, imi d tamerwalt (treggwel). Ɣur-es tagnitt i tt-ifhmen, swayes nezmer diɣen ad tt-id-nesefhem. Degmi ur ɣ-ilaq ara ad neṛwu s tmagut n tsekla n Ilibbiyen. Isefk-aɣ ad nɛereḍ ad nefreẓ d acu ɣ-d-teqqar tmagut-agi, amek armi timagut-agi ɣur-es anamek (lmeɛna) ɣer widak tt-yettwalin, ɣer widak i wumi tt-nettak akken ad tt-wallin.

 

 

 

 


 

 

Tamuɣli n weɣref deg utestu

 

Yuɛar akken ad nefṛez ayen yellan, imi deg waṭas n tegnatin, ayen nettwali illuɣ. Yeffer ger tmagutin n tsekla. Aṭas n wayen nettaf di tsekla, ur t-nfeṛṛez ara imi ɣ-ireggel wanamek-ines. Imi tikwal ayen yellan iban ɣer wid yeqarren tasekla, ɣer-nneɣ nekkni, ur yefri ara. Nettxemmim, nettnadi akken ad nefṛez d acu i ran a t-id-inin yemyura-nni yuran di lawan-nni-nnsen, ɣef acu i ran ad d-meslayen. Ayen yellan zik-nni  d tidett ɣer Yegrikkiyen, ayen-nni akk i inejṛen allaɣen-nnsen lawan-nni, ur iwulem ara assagi, imi ayen ttwallin lawan-nni-nnsen, ayen ssnen ɣef ddunit-agi, mačči akken i t-ttwalin yemdanen assagi. Tbeddel tmusni. Assagi nettwali ddunit akken tt-tra tmusni n lawan-agi neɣ ma tram tmusni tamaynut, akken tt-tettwali tluggust tamaynut. Ɣef annect-agi meṛṛa ara d-nmagger uguren yal tikkelt m ara nɛereḍ ad nefṛez timagut n Ilibbiyen di tsekla tagrikkit.

 

Yella diɣen wugur nniḍen, imi imyura n lawan-nni, nettɣil-iten d nutni i ɣ-d-yeskanayen idles n tmura-nnsen. Degmi tikwal ur nfeṛez ara d acu i d-ttarun yemyura-yagi, neɣ amek yettaru yal yiwen seg-sen. Neɣ ma tram, astil (style) n yal amyaru n lawan-nni neɣ tindi (tindi/origine) n tesmagut-ines (imagination) d ttin n lɣaci ukud yettidir. Amek i nezmer  a nẓer d acu i s-yekkes neɣ d acu i s-yerna i tmagut ssnen akk at tallit-nni? Amek i izmer umyaru ad imsel allaɣ n widak-ines, widak-nni i wumi yettaru ?

 

Rnu, di tsekla, yella wayen i wumi neqqar ageniw (génie) n yal amyaru. Maca yella ugeniw n yal atnus. Rnu diɣen, yella umeslay gar yemyura-yagi ttmeslayen-t gar-asen. Ayen i wumi isemma Gérard Genette "Gar-itestuyen" (texte). Amek ara tferzeḍ tillin (existence) n utestu deg wayeḍ nniḍen, ticki ixab utestu amezwaru. Yerna isefk-aɣ diɣen ad nẓer ma yella itestuyen-agi ɣur-sen azal muqren, ma yella ttwarun neɣ ttmeslayen i waṭas n yemdanen neɣ i kra kan : akka am widak yeṛwan d widak yeɣran.

 

Isefk-aɣ a nẓer ma yella itestuyen-agi ttmeslayen-d s yisem n utnus. Axaṭer ticki tikti teqqen ɣer tmagut, ilaq timagutin-nni ad tt-nessiɣ (nzreɛ) akken iwata. Nezmer ad d-nini d akken anda tewweḍ tmagut, i yewweḍ uzal-is. Timagut-yagi ahaqel ɣur-es tillin lawan-nni kan i deg tt-nwala, neɣ ma tram teqqen kan ɣer tallit-nni akken i deg tt-nwala ? Timagut tettuɣal d EIDOS, timagut i yellan kan di tegwenitt-nni-ines, nettwali-tt akken tella imiren, neɣ tettɣimi kan d EIDOLUN PHANTASMA n wemyaru i yellan kan tallit-nni i deg neqqar ayen d-yura.

 

Deg wannect-agi akk i ɣ-ilaq ad nefṛez timagut n Ulibbi antiki : Ardmani ma yella yiwen usertu n Ulibbi kan neɣ ma llan aṭas ? Ilaq-aɣ a nẓer diɣen ma yella Igrikkiyen ttwalin akk s yiwet n tmuɣli Ilibbiyen, anda ma llan, di yal tamurt, di yal tallit n tudert-nnsen ?

 

Zwar ad nekcem akk di tlufa-yagi, ilaq-aɣ ad d-naf anwa i d METHODOS neɣ abrid ara neḍfer akken ad nefṛez akk anect-agi, akken ad nefṛez ladɣa anda-tt tilist i nezmer a neg i yisem-agi n Ulibbi d Ilibbiyen ?

 

 

 


 

 

 

Ansi d-yekka yisem n Ilibbiyen ?

 

Isefk-aɣ tura ad d-nesmekti, di libri-yagi, anisi d-yekka yisem-agi n Ilibbiyen. Atah d acu i d-yura Stéphane Gsell di libri-ines i wumi yeqqar Hérodote : « Isem agrikki Libué yekka-d di Libus d-yefrurin deg isem agefti "Libou". Libou, d wagi i d isem fkan di lawan-nni Igiftisen i imezdaɣ yettidiren ger wagulf n Sirtis d Ugeftus di leqrun XIII-XII. Ɣer Igiftisen i wwin Yegrikkiyen isem-agi. Dɣa akkagi isawalen Ygrikkiyen imezwura i imezdaɣ d-ufan di tamaṭ-agi n Tefrikt, asmi d-usan ar Kiṛinayik.»

 

Tazwara, isem-agi n  Libus fkan-t kan Yegrikkiyen i tamaṭ-agi n Tefrikt, d-yezgan ɣef yilel agrakal, ger tmurt n Igiftus d wagulf n Sirtis. Uɣalen tagara-yagi ḍelqen isem-agi akk i Tefrikt ugafa akken ma tella. Fkan-as-t akken ad feṛzen tamaṭ-agi n ddunit d Urupa d Asiya. Maca ɣas akkenni llan di lawan-nni imyura ur nfṛiqq ara ger Libbiya d Asiya. Ttɣilen-as d yiwet n tmurt.

 

Yenna-d Stephane Gsell d akken Hiruddutus, yura-d di libri-ines wis-IV:  zik-nni isem n Libbiya musnaw ugar isem n Ilibbiyen.  Imi Libbiya d lber, yerna llan deg-s aṭas n itnusen, gar-asen at-tmurt d ibeṛṛaniyen. Gar at-tmurt-nni llan Ilibbiyen d Ityupiyen; ma gar ibeṛṛaniyen-nni, llan Igrikkiyen d Ikaṛtajiyen. Ɣer Hiruddutus, at Libus d imezdaɣ yettidiren ger tmurt n Igiftus d lkaf n Sulus. Ma d at Aithiopes, wigi d itnusen iberkanen yettidiren di tama n wadda n lber n Libbiya. Am akken twallam ihi, Igiftisen, ɣer Yegrikkiyen, mačči d Ilibbiyen.

 

Ɣer François Chamoux, isem "Alibbi" ɣur-s tlata inumak : tikwal qarren-t i imezdaɣ n Tefrikt ugafa s umata, akken ad ten-feṛzen d Ityupiyen; tikwal qqaren-t i imezdaɣ n Kiṛini kan; tikwal diɣen qarren-t kan i Yegrikkiyen yettidiren di Kiṛinayik, warraw n Hilini, i d-yusan di Tegrikt. Tagara, qarren-t Iṛumaniyen ula i Ikartajinen. Degmi agad yettarun ttemxalafen ɣef yisem-agi "Alibbi". Yal yiwen seg-sen amek i t-yettwali. Ɣef ayagi i yewɛeṛ tikwal a nefṛez anwa i d Alibbi, anwa i mačči d Alibbi.

 

Dɣa d annect-agi ara neɛreḍ ad wen-nsefhem di libri-yagi. A nwali d acu i d-urran wagad d-yemeslayen ɣef Ilibbiyen, ssyen sakkin, a nwalli yal yiwen d acu i d-yenna, amek yettwali Ilibbiyen.

A nwali diɣen lxiḍ yellan di lawan-nni ger Yegrikkiyen d imezdaɣ n Tefrikt Ugafa, d imezdaɣ akk iqqnen ɣer tama-yagi n ddunit.

 

Tella tɣawsa nniḍen i ɣef ilaq diɣen ad d-nemeslay fell-as. Tagi d amudus (du latin modus/mode) n umasi (Contact/amawal) yellan gar Yegrikkiyen d Ilibbiyen, agad yettawin ttaran gar-asen, d acu i ttmeslayen, imi wigi, ula d nutni, akken qarren : "kra yella kra yerna". Llan tlata isurta gar wigi yettawin ttaran gar sin itnusen-agi.

 

1) Llan Yegrikkiyen yettxalaḍen arraw n tmurt-nni, neɣ kra deg-sen, widak-nni i wumi qarren Ikiṛaniyen (Wigi d arraw n tmurt izedɣen di Kiṛinayik).

2) Igiftisen, wagad-nni dɣa i d-yemlan isem n Libou i Yegrikkiyen, d nutni diɣen i sen-yettmeslayen ɣef Ilibbiyen, qarren-asen amek i ten-ttwallin.

3) Ifeṛsiyen, ula d nutni usan-d ar Libbiya, maca ur mulen ara. Nutni diɣen aṭas i d-nnan ɣef tmurt n Libbiya d tudert n Ilibbiyen.

4) Ikaṛtajiyen, nutni ttidiren d warraw n tmurt. Aṭas i wwin Yegrikkiyen ɣer-sen ɣef ayen yerzan tameddurt n Ilibbiyen.

5) Iṛumaniyen, wigini ur ɣ-yegzi ara aṭas wayen txemmimen ɣef Ilibbiyen, imi nutni, usan-d kan ṭṭfen tamurt n Tefrikt Ufella. Nutni ur d-usin ara akken ad isinnen imezdaɣ-ines, usan-d kan akken ad tt-ṭṭfen.

 

Ayen akk d-qarren itnusen-agi ɣef Ilibbiyen, isefk-aɣ ad t-id-nesmekti. Ad t-id-nesmekti, akken ad nefhem timagut ssulin Yegrikkiyen ɣef Ilibbiyen. Imi Igrikkiyen d ayen akk slan ɣef utnus-agi i d-ttalsen di tira-nnsen. Rnu tagara, d ayen slan i si yuɣalen umnen, i yuɣalen d timagut n utnus alibbi. Maca gar imagaren-agi meṛṛa, amagar akk i ssnen Yegrikkiyen di Libbiya d Ikiṛaniyen. Imi d nutni i yettidiren d Ilibbiyen n tmurt. Rnu diɣen, akken t-id-yura Pindarus, ɣef Yegrikkiyen yeṭṭfen tamurt n Kiṛinayik, ula d nutni, ttawin-d awal di tmucuha-nnsen ɣef Ilibbiyen. Ula d nutni ttikkin di lebni n tmagut lan Ilibbiyen ɣer Yegrikken di tallit-nni. Kiṛinayik d amkan anda mlalen sin itnusen-agi : Igrikkiyen d Ilibbiyen. Dinna i ttidiren akken, dinna izdin, dinna i ttemyekcamen, dinna akk imyusanen akken iwata. Gar Yegrikkiyen akk d Ilibbiyen yettidiren di Kiṛinayik,  ulac wis tlata.

 

Annect-agi akk yewwi-yaɣ-d ar westeqsi-yagi : ayen akk nessen ɣef Ilibbiyen, amenḍar d ayen d-iqqar wis tlata ? D ayen ttmeslayen wagad yettidiren yid-sen di tallit-nni ? D ayen ttxayalen imaruyen igrikkiyen ? Akka, timagut n Ulibbi tewweḍ almi tuɣal d asurti n tira (Annect-agi ad t-id-nmager ar zdat m ara nɛreḍ ad nefhem d acu i yurran imyura ihiliniten ɣef Ilibbiyen) - Dagi, nezmer ad d-nini d akken agad yeqqaren, ttamnen, ladɣa imyura yessnen ad arun. Ttamnen-ten ɣas ma yella ayen d-nnan akk ɣef Ilibbiyen ur yell'ara. Rnu-yas diɣen tallit i deg ttarun yemyura-yagi, imi akken qarren s teqbaylit : "Yal tallit s tallit-is."

 

 

 

 

 


 

 

Akuṛpus

 

Akuṛpus, ilaq-as uccima (Schéma). Accima-yagi, netta, ilaq-as ad yeḍfer afsir (exposé/amawal), ulama ur s-d-tewwi yara akken ad t-ilḥeq neɣ a s-d-yezg. Ammer d lebɣi, tettunefk-aɣ tegnitt akken ad awen-d-nefk ɣef tikkelt akk awalen d-yura yal amyaru, ɣas ulama awalen-nni akk ines ur d-ttmeslayen ara ɣef yiwet n tɣawsa. Degmi i nra ad neğğ tilelli i win ara yeɣren libri-yagi, d netta i wumi ilaq ad d-yaf lxiḍ ger wawalen-agi. Nekni, si tama-nneɣ, urdu (du latin ordo/ordre) ara nefren akken ad awen-d-nefk itistiyen ad yilli d urdu n tkṛunulugit, neɣ ma tram d urdu n wesru (temps/mot kabyle ancien), mačči d urdu n usefhem neɣ n tanuyt, am wakken nga di testudi-yagi-nneɣ (Tastudi : du latin studium). Di tallit n Humiṛus ar tin n Plutaṛkus tefuṛsi-yaɣ akken ad neg akkagi. Maca, ɣas akkenni, ad neɛreḍ ad awen-d-nefk yal   atestu di tegnitt-ines (Di tegnitt i deg yettwaru).

 

Ma yella d itestiyen iɣezfanen, am utestu n Hiruddutus  d  Apullunus n Rudis d wiyaḍ, ur ten-id-nettawi ara i meṛṛa di libri-yagi, maca ad awen-d-nefk libriwat i deg tzemren ad ten-tafem d libriwat nniḍen d-yettmeslayen fell-asen. Di libri-yagi-nneɣ nekni, ad awen-d-nefk kan kra n yekafuten (caput, tête, chapitre) n itestiyen n yemurya-yagi. Ikafuten i wulmen, widak yerzan ayen i ɣef nettnadi.

 

Accima

 

Akken ad nmeyyez accima n ukuṛpus, ɣur-nneɣ sin iberdan. Si tama, nezmer ad nestudi (étudier) tamuɣli lan Yegrikkiyen ɣef Ilibbiyen, neɣ ad d-nbeggen akk udmawen n tmagut n Ilibbiyen; si tama-nniḍen, nezmer ad anani akuṛpus s webrid n tesṭurya, i deg ara d-nesmekti tinerni n tmagut n Ilibbiyen di yal tallit n tesṭurya-ines. Nekni nefren abrid-agi, neɣ udus-agi wis-sin, wagi n tesṭurya.

 

Imi iberdan-agi i sin, ɣur-sen tawwurt, ɣur-sen uguren. Amezwaru yettak-d tamuɣli s umata ɣef tima (du grec Théma/sujet), maca ahaqel ma mazal tela anamek (sima) tsemlilt n mraw n leqrun n tsekla, imi Igrikkiyen n tallit n Humiṛus ur ttwalin ddunit-agi akken tt-ttwalin Yegrikken n tallit n Plutaṛkus. Tasemlilt neɣ tasantast (Synthèse/Amawal) di tegnitt am tagi tewɛeṛ akken ad a s-naf ixef-is, imi tezmer, di yal tagnitt,  ad teqlaɛ ɣef iẓuran tasekla-yagi deg wakal n tallit-ines, winna akkenni i deg d-tellul.

 

Atah acimi ihi i nefren abrid wis-sin, abrid n tesṭurya. Imi abrid-agi yeṭṭafar asru, yeskanay-d di yal tallit amek tella deg-s tmagut n wayeḍ; amek tettnerni di tallit ɣer tayeḍ. Amek yettbeddil unamek n tmagut s umata, i deg tella tinna n Ilibbiyen.  Maca ugur n webrid-agi n tesṭurya, ẓẓay ciṭuḥ, imi yeqwa deg-s wallus (uɛiwed), imi tikwal, tinerni-yagi n tmagut ur yettwafreẓ ara akken iwata. Maca timagut n Ilibbiyen a d-tettban am akken yuzzel fell-as ukeryun acḥal n tikkal.

 

Akka, a nwalli ɣer tmagut n Ulibbi tlata yesgiwen neɣ udmawen. Isgiwen-yagi (Asegiw/Dimension/Amawal) ṭṭafaren tinerni n umudus (Mode) n tudert n Yegrikkiyen, imawlan n tfiluẓufit, ɣef akken d-qarren. Asgiw amezwaru d tallit n tligenṭ: anda timagut n wayeḍ-Alibbi nettaf-itt ḥaca deg tligenṭ d tmucuha, anda tugar tfantasma, anda yexḍel tligenṭ d tluggust.

 

Asgiw wis-sin, wagi d tallit n tluggust, anda yebda Wegrikki yeggar tamawt ɣer tmeddurt n wayeḍ, ɣer tmeddurt n wer-Agrikki. Dɣa ssyenna i d-tebda tmuɣli taluggant. Imiren i d-tellul tetnugrafit, neɣ tussna ɣef yegduden. Dinna ibdan yemyura-nnsen ttnadin ad issinen amek ttidiren yetnusen nniḍen, amek ttxemmimen, amek i ttwalin ddunit...  Maca anect-agi yuhwağ tamawt neɣ isalen (Dagi nezmer ad d-nmagger ugur anect-ilat, imi yuɛar akken ad nwali anisi d-yugem wemyaru isalen-ines). Tagrikt, deg wakken tella d tigzirt, twehha i "wbeḥri n lxilaf." Maca, ɣas akkenni, mazal ttwalin Alibbi d abaṛbaṛ, imi ur yessaweḍ ad yelḥeq atnus agrikki di tɣerma. Ttwalin-t seddaw-nnsen. Ttwalin-t, di tallit-agi, d atnus n Tetnulugit, akken s-yeqqar Levi-Strauss.

 

Ma d asgiw aneggaru, wagi d tallit muqqren, imi ɣer yetnusen-agi "ibaṛbaṛen" bdant ttifrirent-ed seg-sen tfiggurin timiqranin, tfiggurin tesṭuriyen, mačči ttidak-nni n zik-nni, tidak-nni tetnugrafit. Alibbi, neɣ Afrikki, yuɣal iga amkan-is di tesṭurya d tikli n tesṭurya. Tasṭurya yeqnen ɣer tesmagut n Yegrikkiyen.

 

Maca, ɣas yella akk wanect-agi, ur tettafeḍ ara isgiwen-agi ttwafeṛzen. Tzemreḍ ad ten-tafeḍ i tlata ɣef tikkelt deg tira n yiwen wemyaru, ɣas ad yili wemyaru-yagi ittaru di lawan n tfigguriyin-agi tesṭuriyin. Degmi i nra ad nmeyyez i tlata yesgiwen-agi, yerna ad d-neɛreḍ ad d-nesbin deg-sen turart n wudmawen ttakken Yegrikkiyen, deg tesmagut-nnsen, i Ilibbiyen.

 

Xuḍi, akken ad d-nesefṛez akken iwata, akken a neɛqel tinerni tasṭuryit di tsmagut n Yegrikkiyen d wamek ttwalin ibaṛbaṛen s umata, gar-asen Ilibbiyen. A naf ihi llant rebɛa tilla n wamek ttwalin Yegrikkiyen Ilibbiyen akk d itnusen ibaṛbaṛen.

 

1°) Tallit taṛkayit, tagi d tallit n telgenṭ, anda Igrikkiyen ur ttxalaḍen ara itnusen nniḍen.

 

2°) Tallit taklasikkit (Tatnugrafit), anda bdan teffɣen Yegrikkiyen, bdan ttxalaḍen leğnas nniḍen, ladɣa di lkumiṛs.

 

3°) Tallit tahilinistit, di tallit-agi i deg ibeddel umagar lan Yegrikkiyen d yetnusen nniḍen. Imi degmi yewweḍ Aliksandrus Umiggas ɣer yal tamurt, bdan Yegrikkiyen ttemlilen itnusen nniḍen, bdan ttissinen-ten, bdan maḍi ttwalin-ten akkin nniḍen. Dɣa imiren i d-illul wawal-nni "Kusmupulitis". Maca, ɣas akkenni abeṛṛani, ɣer Yegrikkiyen, ur ibeddel ara aṭas. Di tira taliksandrit, imyura n Tegrikt, ur ttun ara tamuɣli n tlegdin-nnsen.

 

4°) Tallit taṛumanit, tagi tbeddel akk deg-s tmuɣli yellan ɣef ddunit. Ssyen akkin d nutni i yettawin lxiḍ ger Ilibbiyen d Yegrikkiyen, yernu d awal-nnsen i yettɛeddayen. D nutni i yeṭṭfen ddunit-agi. Iṛumaniyen ɣur-sen tamuɣli ula ɣef Yegrikkiyen. Di lgirrat-nni n tifiniqqiyin (puniques), tɛawed akk tmagut n Ilibbiyen.

 

 

0
0
0
s2sdefault
X

Right Click

No right click